Ana dili hərəkatının görkəmli nümayəndəsi yazıçı Rza Bərahəni vəfat edib

SON XƏBƏRLƏR

Ana dili hərəkatının görkəmli nümayəndəsi yazıçı Rza Bərahəni vəfat edib

2022.03.25, 09:35

Gunaz.tv

Bu barədə yazıçının oğlu Oktay Bərahəni özünün sosial media hesabında paylaşım edib. O, atasının uzun müddətdir xəstə olduğunu bildirib.

İran Yazıçılar Birliyinin təsisçilərindən olan R.Bərahəni eyni halda Fransanın “Pen” Yazıçılar Klubunda üzvü idi.

Güney Azərbaycan Yazıçılar Birliyinin üzvü olan Bərahəni, senzura və söz azadlığına qarşı qoyulan qadağalara etiraz etdiyi üçün Pəhləvi və molla hakimiyyətlərinin basqıları ilə üzləşib, dəfələrlə dindirilib.

Azərbaycanlı yazıçı Pəhləvi və molla hökumətlərinin Azərbaycan türkcəsinə qoyduqları qadağalarla bağlı onlarla məqalə yazıb.
“İbtidayi məktəbdə oxuduğum vaxt türkcə inşa yazdığım üçün müəllim inşa yazdığı vərəqi zorla mənə yedirdi”-deyə, Bərahəni xatirələrində qeyd edib.

Çox sayda şer, roman müəllifi olan Rza Bərahəni daha çox “Yurdumun sırları” (Razhaye sərzəmine mən) romanı ilə məşhurlaşıb.
Bərahəninin bu əsəri ingiliscə, fransızca, ərəbcə, ispanca və başqa dillərə tərcümə olunaraq yayılıb və dünyanın ən çox oxunan romanları sırasında yer alıb.

Əslən Təbriz şəhərindən olan və 86 yaşında dünyasını dəyişən Bərahəni bir müddət əvvəl xəstəxanaya yerləşdirilib.

Cavidan