GünAz TV: Britaniya hökuməti Baş nazir Boris Consonun koronavirus testinin müsbət çıxdığı ilə bağlı məlumat yayıb.
Xəbərlərə əsasən, Consonun xəstəlik əlamətləri yüngüldür və o, karantinə alınıb. Baş nazir bundan sonra fəaliyyətini karantindən davam etdirəcək.
Boris Conson "Twitter" hesabında yazdığı statusda faktı təsdiqləyib və virusa qarşı mübarizə istiqamətində digər rəsmilərlə video konfrans əlaqəsi vasitəsilə fəaliyyətini davam etdirəcəyini bildirib.
Xatırladaq ki, bir neçə gün əvvəl Şahzadə Çarlzın da koronavirusa yoluxduğu açıqlanmışdı.
Hazırda İngiltərədə koronavirusa yoluxmuş 11600 xəstə var. Bu ölkədə bu günə qədər pandemiyadan 578 nəfərin öldüyü deyilir.
Ə.A
