"Bacım etirazlar zamanı 3 güllə ilə öldürüldü"-Hədis Nəcəfinin bacısı

04.10.2022, 10:01

Sentyabrın 21-də Kərəc şəhərində keçirilən etiraz aksiyalarında öldürülən gənc qız Hədis Nəcəfinin bacısı Əfsun Nəcəfi "Amerikanın Səsi"nə açıqlama verib. O, bildirib ki, bacısı üç güllə ilə öldürülüb və cəsədi üzərində çox sayda ov tüfəngindən açılan qırma izi tapılıb.

Gunaz.tv Quote | Gunaz article

"Bacım yerli vaxtla axşam saat 21:00-da Mehrşəhr məhəlləsindəki Erəm küçəsində etiraz aksiyasına qatılıb. O, sosial şəbəkələrdə yayımlanan etiraz çağırışı əsasında bu yerə gedib” -deyə o, əlavə edib.

Əfsun Nəcəfi deyir ki, onların valideynləri Şərqi Azərbaycan əyalətinin Miyana şəhərindən dünyaya gəlib, ailənin bütün uşaqları isə İranın Kərəc şəhərində dünyaya göz açıb.

Hədis Nəcəfinin bacısı Amerikanın Səsinə bildirib ki, atası qızının etirazlarda öldürülməsi ilə bağlı xəbəri media ilə paylaşmaması üçün İran İslam Respublikasının təhlükəsizlik qüvvələri tərəfindən xeyli təzyiq, təhdid və hədə-qorxuya məruz qalıb.

İran dövlət televiziyası isə Hədis Nəcəfi və bir neçə digər qızın İran qüvvələri tərəfindən öldürüldüyünü təkzib edərək, onların “naməlum şəxslər” tərəfindən öldürüldüyünü iddia edib.

“Qızımın cəsədini görəndə qarnından, boynundan və ürəyindən 3 güllə yarası aldığını gördük. Bütün bədəni və üzündə ov tüfəngi güllələrinin izi var idi.

Biz susmuruq, biz rejim tərəfdarı deyilik"- bunu isə Hədisin anası digər qızı Şirin Nəcəfinin instagramda yayımladığı videoda bildirib.

22 yaşlı Hədis Nəcəfinin ailəsi təhlükəsizlik orqanlarının bütün təzyiqlərinə baxmayaraq təhdidləri qəbul etməyib. Onlara verilən ölüm şəhadətnaməsində ölüm səbəbi “hərbi texnikadan müharibədən kənar istifadəsi və güllə yarası” kimi qeyd edilib.

Bu şəhadətnaməni Hədis Nəcəfinin bacısı öz "İnstagram" səhifəsində paylaşıb.

“Mənim səsimi eşidən həmvətənlərimdən xahiş edirəm ki, Hədisi öz əzizləri kimi bilsinlər, onun xatirəsini yaşatsınlar.

Hədis və öldürülən bütün qızlar, fərq etmir kürdlərdən, ərəblərdən və yaxud bəluçlardan olsun, mənim bacımdırlar"-Əfsun Nəcəfi belə deyib.

Hədis Nəcəfi "Tik Tok" və "İnstagram" kimi sosial şəbəkələrdə aktiv olan, həyatından video və fotolar paylaşan gənc qız idi.

Hədis Nəcəfi müxtəlif media orqanlarında yayımlanan və onun öz şəxsi instagram səhifəsində yerləşdirdiyi son videosunda "Hazırda (etirazlara) gedirəm ki, bir neçə il keçdikdən sonra sevinəm ki, etiraz aksiyalarında iştirak etmişəm və artıq indi hər şey dəyişib" deyə bildirib.

Timur

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Kərəcdə azərbaycanlı gənc edam edilib

2022-12-05

gun az article

Güneyli fəala Hadi Nəvaziyə ağır həbs cəzası verilib

2022-12-05

gun az article

6 milli fəal müvəqqəti azad edilib

2022-12-04

gun az article

"Bütöv Azərbaycan olacaq"-Əhməd Obalı

2022-12-04

gun az article

Həbsdə olan güneyli ailə barədə məlumat verilmir

2022-12-04

gun az article

Maidə Qaragöz və Məhəmməd Cavidi müvəqqəti azadlığa buraxılıb

2022-12-04

gun az article

Azərbaycanlı gənc Səhənd Nurməhəmmədzadənin edam hökmü təsdiq edilib

2022-12-04

gun az article

Azərbaycanlı tələbə hərəkatı fəalı Alma Abdullazadə qeyri-müəyyən vəziyyətdə saxlanılır

2022-12-04

gun az article

Zəncanlı idmançı Elnaz Rikabinin ailəsinə təzyiq göstərilir

2022-12-03

gun az article

Təbrizli media fəalına təzyiq göstərilir

2022-12-03

gun az article

Güneyli  xanım fəalın taleyindən xəbər yoxdur

2022-12-03

gun az article

Öldürülən güneyli gənc Cavad Heydərinin qardaşlarına həbsxanada təzyiq göstərilir

2022-12-03

gun az article

“Körpü”də müzakirə: “Azərbaycan və hüdudları” və “İrandakı son durum və Azərbaycan” - VİDEO 

2022-12-03

gun az article

Anadili hərəkatı məhbusu Əlirza Fərşi barəsindəki məhkəmə hökmləri birləşdirilib

2022-12-03

gun az article

Milli fəal Cavad Əhmədi Yekanlı müvəqqəti azadlığa buraxılıb

2022-12-03

gun az article

"Güney Azərbaycanda dövlət qurmalıyıq"-Əhməd Obalı-VİDEO

2022-12-02

gun az article

Savə şəhərində azərbaycanlı ələvi həbs edilib

2022-12-02

gun az article

Güney Azərbaycanın tanınmış şairi Məftun Əmini dünyasını dəyişib

2022-12-02

gun az article

Zənganlı milli fəal Fərşid Mühaciriyə həbs cəzası verildi

2022-12-02

gun az article

Urmulu milli fəal Meysəm Şirini müvəqqəti azadlığa buraxılıb

2022-12-02