SON XƏBƏRLƏR

Səid Xətibzadə: “İran BMT-yə üzvlük haqqının ödənilməsi üçün lazımi vəsaiti təmin edib”

2022.01.13, 12:47
Səid Xətibzadə: “İran BMT-yə üzvlük haqqının ödənilməsi üçün lazımi vəsaiti təmin edib”

Gunaz.tv

Xətibzadə iddia edib ki, İran son iki ildə ölkədə yşanan mövcud maliyyə problemi və Amerikanın tətbiq etdiyi sanksiyalar nəticəsində BMT-yə və digər beynəlxalq qurumlara üzvlük haqqını ödəməkdə çətinlik çəkib. 

“İran İslam Respublikası üzlşdiyi müxtəlif çətinliklərə baxmayaraq, BMT-yə üzvlük haqqının ödənilməsi üçün lazımi vəsaiti təmin edib və hazırda üzvlük haqqını ödəmək və problemin həlli üçün lazımi kanallar vasitəsilə bu barədə danışıqlar aparır”, -deyə İran Xarici İşlər Nazirliyinin sözçüsü Səid Xətibzadə bildirib.

Qeyd edək ki, BMT-nin baş katibi Antonio Quterreş yanvarın 11-də qurumun Baş Məclisinə məktub yazaraq, İranın və daha bir neçə ölkənin BMT-yə üzvlük haqqının ödənilməsini gecikdirdiyini və bu səbəbdən onların BMT-də səsvermə hüququndan məhrum edildiyini bildirib. 

“Ümumilikdə 11 ölkə ödənişlərində geri qalıblar. Hazırda isə İran, Venesuela və Sudan da daxil olmaqla səkkiz ölkə buna görə BMT-də səsvermə hüququnu itirib”, -deyə BMT-nin baş katibi Antonio Quterreş qurumun Baş Məclisinə yazdığı məktubunda bildirib.

کرسی هیئت نمایندگی ایران در هفتاد و چهارمین نشست مجمع عمومی سازمان ملل متحد

A.M

SEÇİLMİŞ XƏBƏRLƏR

Çox oxunanlar