"Rusiya ilə hərbi əməkdaşlığı dayandır"-Ukrayna İrana xəbərdarlıq etdi

SON XƏBƏRLƏR

"Rusiya ilə hərbi əməkdaşlığı dayandır"-Ukrayna İrana xəbərdarlıq etdi

2022.11.03, 09:55

Gunaz.tv

İranın silah proqramını yaxından izləyən bir Qərb ölkəsinin rəsmiləri CNN-ə bildiriblər ki, İran Rusiyaya “minlərlə” daha çox silah və hərbi sursat, o cümlədən qısa mənzilli yer-yer ballistik raketləri və hücum pilotsuz təyyarələri göndərməyə hazırlaşır.

Ukraynanın xarici işlər naziri Kiyevdə keçirdiyi mətbuat konfransında İranın yeni silahlarının Rusiyaya təhvil verilməsinin ciddi təhdid olduğunu açıqlayıb və İrana Rusiya ilə hərbi əməkdaşlığı dayandırmaq üçün ağıllı qərar verməyi tövsiyə edib.

"İran üçün daha ağıllı qərar hərbi əməkdaşlığını tamamilə kəsmək və Rusiyaya Ukraynaya qarşı istifadə olunan silahları verməməkdir",- deyə, Ukraynanın xarici işlər naziri Dmitri Kuleba bildirib.

CNN-in məlumatına görə, bu yeni silah göndərişləri qərb ölkələrinin rəsmiləri tərəfindən diqqətlə izlənir.

Çünki onlar hesab edirlər ki, Rusiyaya göndərilən bu yüklər İranın idarə olunan raketlərinin ilk nümunəsi Ukrayna ilə döyüş meydanında Kremlə əhəmiyyətli dərəcədə kömək edə bilər.

Cavidan