Bu barədə Analena Baerbok oktyabrın 8-də ARD telekanalına verdiyi müsahibədə deyib.
"Keçən həftə daha bir sanksiya paketini həyata keçirəcəyimizi və İnqilab Keşikçilərini necə bir terror təşkilatı kimi tanıda biləcəyimizi araşdıracağımızı açıqladım",-deyə, o bildirib.
Yüksək rütbəli Alman rəsminin bəyanatı SEPAH-ın baş komandanı Hüseyn Salaminin oktyabrın 29-da İranda baş verən nümayişləri "iğtişaş" adlandırması, aksiyaların sona çatdığını elan etməsi və narazıları hədələyərək bir daha küçələrə çıxmamalarını tələb etməsindən bir gün sonraya təsadüf edir.
Almaniya keçən həftə Avropa Birliyinin sanksiyalarından kənarda İrana qarşı daha çox məhdudiyyətlər tətbiq edəcəyini açıqlamışdı.
Xanım Baerbok həmçinin bildirib ki, hazırda İran və Qərb arasında Tehranla "Bərcam" kimi tanınan nüvə sazişi ilə bağlı heç bir danışıqlar aparılmır.
SEPAH hazırda Amerikanın terror təşkilatları siyahısındadır və bu yaxınlarda Kanada bu hərbi təşkilatın 10 min üzvünün öz ərazisinə daxil olmasını qadağan edib.
Cavidan
