SEPAH-ın casusluq və kəşfiyyat missiyasını həyata keçirən haker qrupu ifşa edilib

SON XƏBƏRLƏR

SEPAH-ın casusluq və kəşfiyyat missiyasını həyata keçirən haker qrupu ifşa edilib

2022.09.08, 04:23

Gunaz.tv

Bu qrupun əsas əməliyyatlarına fişinq hücumları vasitəsilə insanların onlayn hesabları haqqında məlumat toplamaq, qurbanların onlayn fəaliyyətlərindən casusluq etmək, zərərli proqram hazırlamaq və yaymaq daxildir.

APT42 adlı bu qrupun fəaliyyətinin ilk izləri ən azı 2015-ci ilə aiddir. Bu qrupun məqsədləri daha çox strateji baxımdan İran İslam Respublikasının prioritetləri və maraqları ilə uzlaşan müxtəlif şəxslər və təşkilatlara qarşı casusluqdur.

Hədəf qurbanında etimad yaratmaq məqsədi ilə hazırlanmış APT42 əməliyyatlarına hökumət rəsmilərinin, siyasi xadimlərin və ya keçmiş İran siyasətçiləri, rejim əleyhinə qrupların fəalları, jurnalistlər və universitet müəllimlərinin şəxsi və təşkilati hesablarına giriş daxil olub.

Bu qrup öz qurbanlarının hesab məlumatlarını oğurlaya bildikdən sonra bəzən onların Windows cihazlarında və ya Android telefonlarında zərərli proqramlar quraşdırıb.

Bu zərərli proqram şəxsin yerini bildirə, telefon danışıqlarını yaza, telefondakı şəkillərə və videolara daxil ola və cihazdakı bütün mətn mesajlarını hakerə göndərə bilib.

Avstraliya, Avropa ölkələri, Yaxın Şərq və Amerika Birləşmiş Ştatları da daxil olmaqla 14 fərqli ölkədə 30-dan çox əməliyyatda APT42-nin izini davam etdirərək, bu qrupun müxtəlif dövrlərdə İslam Respublikasının prioritetləri haqqında fəaliyyət istiqamətini dəyişdiyini göstərib.

Cavidan