Onlarla siyasi və mədəni fəal İranda bəhailərə qarşı basqıları pisləyib

SON XƏBƏRLƏR

Onlarla siyasi və mədəni fəal İranda bəhailərə qarşı basqıları pisləyib

2022.08.10, 06:52

Gunaz.tv

70 siyasi və mədəni fəal, universitet professorları, incəsənət xadimləri və insan haqları fəalları birgə bununla bağlı bəyanat yayıblar.

Bəyanatı imzalayanlar İran hökumətinin bəhailərə qarşı basqılarını pisləyib.

"Bu vətəndaşların insan hüquqları təhlükə altına düşəndə biz də özümüzü bir bəhai hesab edirik"-deyə, bəyanatda qeyd olunur.

Onlar dini firqəyə mənsub vətəndaşlarla həmrəy olduqlarını vurğulayıb, bəhailərə qarşı çoxsaylı ədalətsizlikləri, o cümlədən evləri və mülklərinin müsadirə olunmasını, dağıdılmasını və başqa bu imi haqslzlıqları qınayıb, bu zülmə susmayacaqlarınıbəyan ediblər.

"Özəlliklə son vaxtlar bəhailərin məhkəmələrə çağrılması, həbsi, universitetlərəə buraxılmaması Tehran hökumətinin dini azlıqlara qarşı repressiya siyasətinin tərkib hissəsidir"-deyə, bəyanat müəllifləri bildirib.

Dəstək bəyanatını Amerikada yaşayan sənətçi Şöhrə Ağdaşlı, Avropada yaşayan Nobel mükafatı laureatı Şirin İbadi və başqa bir neçə tanınmış güney azərbaycanlı imzalayıb.

Qeyd edək ki, özəlliklə son dövrlər bəhailərə qarşı təzyiqlər güclənib və Keçən həftə İran Kəşfiyyat Nazirliyinin bir neçə bəhai icması başçısını "İsrail kəşfiyyatına işləmək" ittihamı ilə həbs etdikdən sonra onlara qarşı basqılar iki qat artıb.

Cavidan