"İranın diplomatik nümayəndələri Tehran rejiminin həbsxanalarında 1988-ci ilin yay qırğınını inkar etməklə, yalan məlumat yaymaq və beynəlxalq araşdırmalara qarşı çıxmaqla beynəlxalq cinayətlərin və digər ciddi insan haqlarının pozulmasının gizlədilməsində mühüm rol oynayıblar"-bəyanatda bildirilib.
Beynəlxalq Əfv Təşkilatının Yaxın Şərq və Şimali Afrika Ofisinin direktor müavini Diana Əl-Tahavi deyib ki, İranın hakimiyyət orqanları 80-ci illərdə məhkəməsiz şəkildə qətlə yetirilən minlərlə siyasi rəqibin taleyini və dəfn yerini sistemli şəkildə gizlədirlər.
Xatırladaq ki, 1988-ci ilin yayında Tehranın Evin, Kərəcin Qohərdəşt həbsxanalarında, Məşhəd, Şiraz, Əhvaz, Təbriz və başqa şəhərlərindəki zindanlarda Ruhullah Xomeyninin birbaşa göstərişi ilə minlərlə siyasi məhbus edam edilib.
Edamların həyata keçirilməsinə 4 nəfərdən ibarət "ölüm heyəti" adlanan qrup nəzarət edib.
İranın hazırkı prezidenti İbrahim Rəisi “ölüm heyəti”nin üzvü kimi bu edamlarda xüsusi rol oynayıb.
Cavidan
