Ermənistanda qadınlar bu ildən hərbi xidmətə gedəcəklər

SON XƏBƏRLƏR

Ermənistanda qadınlar bu ildən hərbi xidmətə gedəcəklər

2023.02.09, 13:42

Gunaz.tv

Bu barədə Ermənistan hökumətinin iclasında müdafiə naziri Suren Papikyan bildirib.

Nazir xatırladıb ki, qadınların 6 ay müddətinə könüllü hərbi xidmət keçməsi layihəsi artıq müzakirə mərhələsindədir.

"Hər şeyi edəcəyik ki, növbəti qış çağırışında qadınlar da hərbi xidmətə gedə bilsinlər. Hər şey işimizin sürətindən asılıdır", - Papikyan bildirib.

Nazir xatırladıb ki, qadınlar 6 ay xidmət etdikdən sonra attestasiyadan keçməklə kişilər kimi eyni şərtlərlə -yüksək maaşla uzunmüddətli müqavilə xidmətinə keçə biləcəklər.

Ermənistanın baş naziri Nikol Paşinyan isə diqqəti ona yönəldib ki, qadın hərbçilər üçün ən müasir infrastruktur ayrılacaq.
Ermənistan hökumətinin fevralın 9-da keçirilən iclasında “Vətənin müdafiəçisi” proqramı üzrə müqavilə əsasında xidmət edən hərbi qulluqçulara uzunmüddətli xidmətə görə əməkhaqqının ödənilməsi qaydası ilə bağlı qərar qəbul edilib.

Ayxan