İsrail Prezidenti hökuməti məhkəmə islahatlarını dayandırmağa çağırıb

SON XƏBƏRLƏR

İsrail Prezidenti hökuməti məhkəmə islahatlarını dayandırmağa çağırıb

2023.03.27, 05:00

Gunaz.tv

Bu barədə siyasətçi tviterdə yazıb.

“Mən Baş nazirə, hökumət üzvlərinə və koalisiya üzvlərinə müraciət edirəm... İsrail xalqının birliyi naminə, üzərimizə götürməli olduğumuz məsuliyyət naminə, sizi qanunvericilik prosesini dərhal dayandırmağa çağırıram”, - Prezident vurğulayıb.

Bu səhər Netanyahunun islahatın taleyi ilə bağlı çıxış edəcəyi gözlənilir.

Xatırladaq ki, İsraildə martın 26-da axşam saatlarında başlayan kortəbii etirazların səbəbi Netanyahunun elan etdiyi ölkənin müdafiə naziri Yoav Qalantın istefası olub.

Hökumət başçısı bu qərarı Qalantın bir gün öncə açıq şəkildə hakim koalisiyanın irəli sürdüyü və müxalifətin kütləvi etirazına səbəb olduğu məhkəmə islahatlarının dayandırılmasının tərəfdarı olduğunu bildirəndən sonra verib.

Hökumətin əleyhdarlarının fikrincə, Ali Məhkəmənin səlahiyyətlərinin məhdudlaşdırılması və hakimlərin seçiminə icra hakimiyyətinə nəzarətin verilməsini nəzərdə tutan islahat İsrail dövlətçiliyinin demokratik əsaslarını sarsıdacaq.

Netanyahu israr edir ki, bu islahat hakimiyyətin bütün qollarının səlahiyyətlərini balanslaşdıracaq və ölkənin siyasi sistemini daha demokratik edəcək. (report)

Ayxan