İsveçin yeni Baş naziri terrorçuların Türkiyəyə ekstradisiyasına zəmanət verib

SON XƏBƏRLƏR

İsveçin yeni Baş naziri terrorçuların Türkiyəyə ekstradisiyasına zəmanət verib

2022.10.22, 05:08

Gunaz.tv

“Aftonbladet” nəşrinə istinadən xəbər verir ki, məktubda İsveçin NATO-ya üzv olmaq üçün atdığı addımlar, o cümlədən Stokholmun terrorda şübhəli bilinən şəxslərin ekstradisiyası ilə bağlı Ankaranın müraciətlərinə dərhal baxacağına zəmanət verəcəyi yer alıb.

Qeyd olunub ki, üçtərəfli sazişin bütün əsas elementləri üzrə konkret tədbirlər görülüb. Məktubda deyilir ki, İsveç terrorda şübhəli bilinən şəxslərin ekstradisiya tələblərini dərhal və hərtərəfli həll etməyi öhdəsinə götürür.

Baş nazir əlavə edib ki, İsveç təhlükəsizlik xidmətləri PKK terror qruplaşmasına qarşı fəaliyyətini gücləndirib.

Qeyd edək ki, Türkiyə Prezidenti Rəcəb Tayyib Ərdoğan İsveçin yeni Baş naziri Ulf Kristerssonun onunla terrorçuların ekstradisiyası məsələsi ilə bağlı görüş keçirmək istəyini bəyan edib:

“Mən bu ideyanı bəyəndim və ölkəmizdə görüşməyə hazıram. İsveçin yeni baş naziri terrorizmə və terrorçulara qarşı fəal mübarizənin tərəfdarıdır”, - Türkiyə lideri bildirib.

Xatırladaq ki, bu il iyunun 28-də NATO-nun Madriddə keçirilən Zirvə toplantısında Türkiyə, Finlandiya və İsveç arasında Üçtərəfli Memorandum imzalanıb.

Memorandum çərçivəsində yaradılmış Daimi Birgə Mexanizmin ilk iclası avqustun 26-da Finlandiyanın Vantaa şəhərində keçirilib. Oktyabrın 5-6-da isə Ankarada Türkiyə Ədliyyə Nazirliyinin rəsmiləri İsveçdən olan həmkarları ilə görüşüblər. (report)

Ayxan