İsveç Xarici İşlər Nazirliyi yaydığı bəyanatda xəbərdarlığın təhlükəsizlik vəziyyətindəki dəyişikliklərlə əlaqədar olduğunu bildirib və vətəndaşlarını İrana lazımsız səfərlərdən çəkinməyə çağırıb.
Bu açıqlama İsveç prokurorluğunun İranın keçmiş prokuror köməkçisi Həmid Nurini "müharibə cinayətləri" və "qəsdən adam öldürmə"də ittiham edərək ömürlük həbs cəzasına məhkum edilməsini tələb etməsindən bir neçə saat sonraya təsadüf edib.
Qeyd edək ki, Həmid Nurini barədə son qərar hələ verilməyib və yaxın günlərdə vəkillərinin yekun müdafiəsi ilə onun məhkəməsi davam etdiriləcək.
Bundan əvvəl İran hökumətinin Həmid Nurini İranda həbsdə olan İran-İsveç vətəndaşı tədqiqatçı Əhmədrza Cəlali ilə mübadilə etmək cəhdi ilə bağlı ehtimallar səsləndirilib.
Güney azərbaycandan olan alim, tədqiqatçı professor Əhmədrza Cəlali İsveç vətəndaşıdır və 2016-cı ilin aprel ayından Tehranın Evin zindanında saxlanılır.
Timur
