SON XƏBƏRLƏR

“Atabay” filminin rejissoru azərbaycanlılara təşəkkür edib

2021.12.28, 09:41
“Atabay” filminin rejissoru azərbaycanlılara təşəkkür edib

Gunaz.tv

Türkcə “Atabay” filminin rejissoru niki Kərimi filmin azərbaycanlılar tərəfindən rəğbətlə qarşılanmasından sevindiyini deyib və azərbaycanlılara təşəkkürünü bildirib.

O, jurnalistlərin, “filmin çəkilməsi üçün niyə Azərbaycan bölgəsini və türk dilini seçdiniz?” sualına cavab olaraq “düşünürdüm ki, ölkədə müxtəlif bölgələr var və mən yenilik axtarır, yeni bir dünyaları təcrübə etmək istəyirdim. Türkcəni sevirəm və hər zaman onun səslənişi məndə xoş təəssürat yaradıb”-deyə, cavab verib.

“Ölkədə müxtəlif bölgələri araşdırdım. Ancaq hiss etdim ki, Azərbaycan şeirləri və musiqisi məni daha çox cəlb edir. Buna görədə filmi Azərbaycanda və türk dilində çəkməyi qərara aldım. İndi çox sevinirəm ki, azərbaycanlılar filmi bəyənib və rəğbətlə qarşılayıblar”-deyə, “Atabay” filminin rejissoru bildirib.

Qeyd edək ki, “Atabay” filmi ekranlara çıxarıldıqdan sonra, Urmu. Təbriz, ərdəbil, Zəncan və başqa şəhərlərdə əhalinin geniş rəğbəti ilə qarşılanıb.

Noyabrın son həftəsində türk dilində olan film bilet satışı səviyyəsinə görə, 807,000,000 milyon tümən satışla İranda üç filmdən biri olub.

“Atabay” ekranlara çıxarılandan bu günə kimi qısa müddət ərzində 3,297, 000,000 milyard tümən bilet satışı güney azərbaycanlıların və İranda yaşayan türklərin filmi rəğbətlə qarşılamalarının nəticəsidir.  

Qeyd edək ki, ekran əsərinin ssenari müəllifi olan Hadi Hicazifərin doğulduğu Xoy şəhərinin yaxınlığında çəkilib.

Əsas süjet xətti romantik münasibətlər haqqında olan filmdə H.Hicazifər eyni zamanda baş rolda çəkilib.

Uğursuz sevgi hekayəsi və ailə daxili mənfi hadisələr nəticəsində tək qalan Kazım yeni bir sevgi hekayəsinə qədəm qoyur.

"Atabay" filmi ilk dəfə 38-ci Fəcr Beynəlxalq Kinofestivalında ekranlara çıxıb və 5 müxtəlif nominasiyaya təqdim edilib.

Film güneyli rejissor Niki Kəriminin ən yaxşı əsəri kimi tanınır.

"Atabay" filmi İranın ilk kino jurnalı olan və kino tənqidçilərinin jurnalı kimi tanınan aylıq “Film” jurnalı tərəfindən 38-ci Fəcr kinofestivalının ən yaxşı əsəri kimi seçilib.

C.E

SEÇİLMİŞ XƏBƏRLƏR

Çox oxunanlar