İranda ümumölkə etirazlarının genişlənməsi ilə kütləvi həbslər və repressiyalar daha da genişlənib.
Qaşqay türklərinin media orqanı olan "Baydaq News" Buşehr əyalətinin "Xəlic" Universitetinin öyrənciləri Leyli Həzrəti və Səba Rayaninin təhlükəsizlik məmurları tərəfindən həbs edildikləri barədə məlumat yayıb.
Məlumatda adı çəkilən xanım öyrəncilərin hara aparıldığı və nədə ittiham olunduqları barədə açıqlama verilmədiyi qeyd edilib.
Qeyd edək ki, xüsusilə son günlər universitet öyrənciləri və orta məktəb şagirdlərinin kütləvi nümayişlərə qoşulmaları onlara qarşı repressiyaların güclənməsinə səbəb olub.
Oktyabrın 18-də İran rəhbəri Əli Xameneyi bu məsələyə toxunaraq, öyrəncilərin dərsləri dayandırması və müəllimlərin onlara dəstək verməsini tənqid edib.
Onun çıxışından sonra, öyrəncilər və narazı təhsil işçilərinə qarşı daha sərt tədbirlərin görüləcəyi ehtimal edilir.
Timur
