SON XƏBƏRLƏR

“Bu terror aktını İran xüsusi xidmət orqanları törədib”-GAMAC bəyanat yaydı

2023.01.27, 16:20
“Bu terror aktını İran xüsusi xidmət orqanları törədib”-GAMAC bəyanat yaydı

Gunaz.tv

Bəyanatda deyilir: “Baş verən terror hücumu təsadüfi sayıla bilməz. 

Bundan öncə 2022-ci ilin avqustunda Azərbaynın Böyük Britaniyadakı səfirliyinə terror hücumu edilmişdi. Hadisəni İrana bağlı “Mehdinin Xidmətçiləri Birliyi” adlı qrup törətmişdi.  

Səfirliyin yerləşdiyi binanın divarına ərəb dilində şüarlar vurulmuş, Azərbaycanın dövlət bayrağı cırılmışdı. 

Bu hadisənin də axrasında İranın olduğu aydındır. Çünki İran adlanan ölkə Azərbaycanın xarici siyasət kursuna qarşıdır. 

İran generalları, İranın ali ruhaniləri  vaxtaşırı Azərbaycan Respublikasını təhdid edən bəyanatlar səsləndiriblər. 

Onların məntiqincə Azərbaycan İsraillə əlaqələr qurduğuna görə terror olunmalıdır. Bu, İran adlanan dövlətin siyasətinin məntiqi nəticəsidir. Səfirliyə hücum edən terrorçunun kimə bağlı oldğu bəlli deyil. 

Onun etnik kimliyindən asılı olmayaraq bu tipli işlər İranın xüsusi xdimət orqanlarının, “Qoç” Qrupunun əməliyyatına bənzəyir. İranda səfirliklərə hücum əməliyyatlarına ancaq İran adlanan rəhbəri Əli Xameneyinin ofisindən verilir. Amerika, Səudiyyə Ərəbistanı səfirliyinə edilən hücum zamanı da belə olmuşdu.

Biz bu hadisəyə görə, Xameneyi başda olmaqla İran rəhbərlərini ittiham edirik.

İçəri daxil olan terrorçu orada hamını qətlə yetirmək istəyirdi. Sadəcə Azərbaycan səfirliyinin əməkdaşının qəhrəmanlığı sayəsində bu mümkün olmadı.

Bəlkə də əməliyyatdan sonra onun özünü də İran xüsusi xidmət orqanları öldürəcəkdi. İran xüsusi xidmət orqanlarının razılığı olmadan kiminsə “Kalaşnikov” silahı ilə səfirliyə hücum mümkün deyil”.

GAMAC hesab edir ki, bu terror hücumu ilə İran beynəlxalq konvensiyaları pozub:

“Diplomatik əlaqələr haqqında" 1961-ci il tarixli Vyana Konvensiyasının 22-ci maddəsində qeyd olunur ki, diplomatic nümayəndəliyin binaları toxunulmazdır. Yerləşmə dövlətinin hakimiyyət orqanları nümayəndəlik başçısının razılığı olmadan bu binalara daxil ola bilməzlər.

Nümayəndəliyi hər cür hücumlardan və zərər vurulmasından qorumaq və nümayəndəliyin sakitliyinin istənilən formada pozulmasının və ya şərəfinin təhqir olunmasının qarşısını almaq üçün hər cür lazımi tədbirlər görmək yerləşmə dövlətinin xüsusi vəzifəsidir. Bu o deməkdir ki, İran beynəlxalq konvensiyanı kobud şəkildə pozub”.

GAMAC bir daha bu terror hadisəsini qınayıb.

“İranın terrorçu əməllərini pisləyirik. Beynəlxaql qanunları pozan İran bu terror hücumuna görə cavab verməlidir”-bəyanatda deyilir.

 

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. 

Hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib.

Səfirliyin iki nəfər mühafizə əməkdaşı da hücumun qarşısını alarkən yaralanıblar.
 

Günaz.TV

Açar Sözlər :

SEÇİLMİŞ XƏBƏRLƏR

Çox oxunanlar