"Şərqi Azərbaycanda inflyasiya ölkə üzrə orta göstəricidən yüksəkdir"- Ticarət Palatasının başçısı

22.04.2022, 11:57

Şərqi Azərbaycan əyalətinin Ticarət Palatasının başçısı Yunis Jailə əyalətdə gəlirlərin aşağı, xərclərin isə çox olduğunu bildirib.

Gunaz.tv Quote | Gunaz article

O, bu səbəbindən Şərqi Azərbaycan əyalətində inflyasiyanın ölkə üzrə orta göstəricidən 5% yüksək olduğunu deyib.

"Əyalət mis, qızıl və metal mədənləri ilə zəngin olmasına, təxminən 1,3 milyon hektar əkin sahəsi və müxtəlif turistik yerlərə malik olmasına baxmayaraq iqtisadi durum və gəlirlər istənilən səviyyədə deyil”-deyə, Yunis Jailə bildirib.

O, Arazdan Təbrizə su kəməri çəkilişini, Urmu gölünün ekoloji probleminin həlli və əyalətin gəlirlərinin özündə saxlanılmasını Şərqi Azərbaycanın iqtisadiyyatının dirçəldilməsi üçün vacib məsələlər adlandırıb.

Qeyd edək ki, bir neçə gün bundan öncə  Yunis Jailə mediaya verdiyi açıqlamada İran hökumətinin Şərqi Azərbaycanda özəl bank açılmasına icazə vermədiyini və bunun əyalətin iqtisadi dirçəlişinə mane olduğunu demişdi. 

Timur
 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social