Contact Us

SON XƏBƏRLƏR

Xuzistanda 2 yerli ərəb təhlükəsizlik qüvvələrinin açdığı atəş nəticəsində öldürülüb

2022.01.21, 12:07
Xuzistanda 2 yerli ərəb təhlükəsizlik qüvvələrinin açdığı atəş nəticəsində öldürülüb

Gunaz.tv

Bu barədə əhvazlı fəallar yanvarın 20-də məlumat yayıb.

Yayılan məlumata görə, hadisə yanvarın 19-da baş verib. Bildirilir ki, yerli sakinlərdən birinin dəfn mərasimində iştirak edən Quriyə məntəqəsi sakinlərinin bir araya gəlməsi, dəfn mərasiminin rejimə qarşı etiraz aksiyasına çevrilməsinə gətirib çıxarıb.

Nəticədə dəfn mərasimi iştiralçıları ilə hökumət qüvvələri arasında qarşıdurma yaranıb və təhlükəsizlik qüvvələri odlu silahlardan istifadə edərək etirazçılara atəş açıblar.

Atəş nəticəsində iki yerli ərəb, 18 yaşlı Əmin Delfi aldığı güllə yarasından yerindəcə öldürülüb, 22 yaşlı Həmid Kəəbi isə güllə yarasından ağır yaralanaraq xəstəxanaya yerləşdirilib.

Bildirilir ki, bir sutka xəstəxananın reanimasiya şöbəsində saxlanılan Həmid Kəəbi çoxlu qan itirdiyinə görə yanvarın 20-də keçinib.

Qeyd edilir ki, iki gəncin təhlükəsizlik qüvvələri tərəfindən öldürülməsindən sonra yanvarın 20-si axşam saatlarında uriyə sakinləri küçələrdə toplaşaraq rejimə qarşı etiraz aksiyası keçirərək şüarlar səsləndiriblər.

Etirazlarda həbs edilənlərin olub-olmaması barədə hər hansı bir məlumat yayılmayıb. 

A.M 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar