Azərbaycan XİN İranın ittihamlarına cavab verdi

23.09.2022, 17:43

Azərbaycan Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva yerli mətbuatın suallarını cavablandırıb. XİN sözçüsü İran rəsmilərinin fikirlərini şərh edib.

Gunaz.tv Quote | Gunaz article

Müsahibəni təqdim edir:

- Son dövrlərdə İranın yüksək çinli mülki və hərbi şəxsləri tərəfindən “regionda sərhədlərin dəyişdirilməsi bizim qırmızı xəttimizdir” tezisi üzrə fikirlər səsləndirilir, reallıqdan uzaq iddialar irəli sürülür. Buna münasibətinizi öyrənmək istərdik.

- Məlum olduğu kimi, Azərbaycan Respublikası özü işğala və təcavüzə məruz qalan ölkədir. Ermənistan tərəfi zordan istifadə edərək, Azərbaycan Respublikasının ərazilərinin iyirmi faizini, o cümlədən İran ilə sərhədimizin 132 km-ni işğal etmişdir. 30 il ərzində İran tərəfi sərhədlərin zordan istifadə edilərək dəyişdirilməsinə hər hansı bir münasibət bildirməmişdir.

Hazırda İran tərəfindən səsləndirilən bu kimi bəyanatların ünvanı bəlli deyil. Məlum olduğu kimi, Azərbaycan və Ermənistan liderlərinin Moskva və Brüsseldə keçirilən görüş formatları mövcuddur. Bu formatlarda danışıqlar davam edir. Bu formatlarda aparılan danışıqlar çərçivəsində hər iki tərəfin razılığı ilə dövlət sərhədinin delimitasiyası üzrə Dövlət Komissiya təsis edilmiş və onun tərkibi razılaşdırılmışdır. Hesab edirik ki, Ermənistan-Azərbaycan münasibətləri, o cümlədən iki dövlətin sərhəd məsələsi kənar müdaxilə olmadan həll edilməlidir.

- Bu gün İranın Sərhəd Mühafizəsi Orqanları tərəfindən sərhədyanı Xudafərin rayonu ərazisində terrorçu qrupun müəyyən edilərək həbs olunmasına dair bəyanat yayılmışdır. Xudafərin rayonunun Azərbaycan ilə həmsərhəd olduğunu nəzərə alaraq, bununla bağlı hər hansı bir şərhiniz varmı?

- Azərbaycan-İran dövlət sərhədi dostluq və əməkdaşlıq sərhədi kimi tanınır. Azərbaycan və İran sərhədçiləri arasında qarşılıqlı faydalı əməkdaşlıq təcrübəsi nümunəvidir. Ara-sıra baş verən sərhəd pozuntusu və qaçaqmalçılıq halları yerlərdəki komandirlər arasında birbaşa təmaslar çərçivəsində tənzimlənir.

İran Sərhəd Mühafizəsi Orqanlarının bugünkü bəyanatının Azərbaycan-İran dövlət sərhədinə heç bir aidiyyəti yoxdur.

- İran rəsmilərinin açıqlamalarından məlum olur ki, İran tərəfi Zəngəzur dəhlizini İran-Ermənistan sərhədinin kəsilməsi kimi qəbul edirlər. Bu məsələ İran tərəfi ilə təmaslarda müzakirə edilibmi?

- 44 günlük Vətən müharibəsi zamanı işğal altında olan Azərbaycan-İran sərhədinin azad edilməsi münasibətilə ilə Müzəffər Ali Baş Komandan Azərbaycan və İran xalqlarını təbrik etmişdir. Azərbaycan tərəfi İran ilə sərhədlərini ticarətin və əməkdaşlığın daha da inkişaf etdirilməsi üçün fürsət kimi dəyərləndirir. 

Ermənistanın işğalı nəticəsində yalnız Azərbaycanın ayrılmaz tərkib hissəsi olan Naxçıvan Muxtar Respublikası ilə deyil, həmçinin İran ilə də dəmiryolu əlaqəsi kəsilmişdir. 10 noyabr 2020-ci il tarixli üçtərəfli bəyanata uyğun olaraq, regionda kommunikasiyaların açılması və bərpası üzrə Komissiya çərçivəsində müzakirələr davam edir.

Azərbaycan tərəfi paralel olaraq, İran ilə Azərbaycanın Şərqi Zəngəzur iqtisadi rayonu ilə Naxçıvan Muxtar Respublikasının birləşdirilməsi üçün İran ərazisindən keçməklə infrastrukturun yaradılmasına dair müqavilə imzalamışdır.

Əldə olunmuş razılığa əsasən, 22 sentyabr 2022-ci ildə Zəngilan rayonu ərazisində hər iki ölkə rəsmilərinin iştirakı ilə avtomobil körpüsünün təməlqoyma mərasimi baş tutmuşdur.

Zəngəzur dəhlizinin İranın Ermənistan ilə sərhədini kəsməsi kimi qələmə verilməsi kökündən yanlış olmaqla yanaşı, reallıqdan uzaqdır. Zəngəzur dəhlizi, əksinə, ölkələrimiz arasında əlaqələri daha da dərinləşdirən və regional əməkdaşlıq üçün yeni perspektivlər vəd edən önəmli bir layihədir.

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Vladimir Putin İlham Əliyevə zəng edib, üçtərəfli razılaşmaların həyata keçirilməsi müzakirə olunub

2022-11-26

gun az article

Qanunsuz erməni silahlıları Azərbaycan Ordusunun Ağdam və Xocavənddəki mövqelərini atəşə tutub

2022-11-26

gun az article

Sistan-Bəluçistan əyalətində tətil aksiyası başlayıb

2022-11-26

gun az article

NATO qoşunları Belarus və Rusiya sərhədində təlim keçirib

2022-11-26

gun az article

Robert Mali: "İnsan Haqları Şurasının İranla bağlı qətnaməsi təkcə Qərbin işi deyil, dünya bunu dəstəklədi"

2022-11-26

gun az article

Sloveniyanın baş naziri İran xalqının mübarizəsini dəstəkləyib

2022-11-26

gun az article

Fuat Oktay: "Türkiyə Azərbaycanla Ermənistan arasında normallaşma prosesini dəstəkləyir”

2022-11-26

gun az article

Ordumuzun Daşkəsən, Kəlbəcər və Ağdamdakı mövqeləri atəşə tutulub

2022-11-26

gun az article

ABŞ institutu: “İran Rusiyaya ballistik raketlər göndərə bilər”

2022-11-26

gun az article

Zakir Həsənov Hulusi Akara başsağlığı verib: "Türkiyəni var gücümüzlə dəstəkləyirik"

2022-11-26

gun az article

Fransa İranda etirazçılara qarşı repressiyaları pisləyib

2022-11-26

gun az article

İranda 448 etirazçı öldürülüb

2022-11-26

gun az article

"İran qadınlara və etirazçılara qarşı hər cür zorakılığa son qoymalıdır"-Kanada XİN

2022-11-26

gun az article

Sistan və Bəluçistanda geniş etiraz aksiyaları keçirilib- Ölənlər var

2022-11-26

gun az article

Almaniyanın baş naziri İranın nüvə bombası əldə etməsinin qarşısının alınmasının vacibliyini deyib

2022-11-26

gun az article

SEPAH-a bağlı "Fars" xəbər agentliyinin saytı hakerlər tərəfindən dağıdıldı

2022-11-25

gun az article

İndoneziyada zəlzələdə ölənlərin sayı 310 nəfərə çatıb

2022-11-25

gun az article

İranın terror təhdidlərinə görə Mossad rəhbərlərinin mühafizəsi gücləndirilib

2022-11-25

gun az article

"Molla rejimi dalana dirənib"-Bəluç din xadimi

2022-11-25

gun az article

"İranda yaşayan azərbaycanlıların müdafiəsi üçün əlimizdən gələni edəcəyik"-İlham Əliyev

2022-11-25