GünAzTv: İran rejiminin futbol federasyonu, 2011-ci il Asiya millətləri Çempionatında sözdə milli taxımını (tim) “Fars Şahzadələri” adlandırıb.

İranda yaşayan digər millətləri nəzərə almayan, hər fürsətdə barış, birlik və bərabərlik yerinə fars millətini göz soxmağa çalışan şovinistlərin bu hərəkəti Güney Azərbaycanda və Azərbaycandan uzaq yaşayan soydaşlarımızın arasında geniş etiraz doğurub.

Danimarka azərbaycanlılarının mədəniyyət ocağı və Danimarkada yaşayan bir qrup azərbaycanlılar da digər soydaşlarımız kimi İran rejiminin növbəti irqçı siyasətinə etiraz ediblər.

Onlar Bəyanat yayaraq İranın bu hərəkətini şiddətlə pisləyib və Birləşmiş Ərəb Əmirliyinin Ərəb Körfəzindəki haqlı mövqeyini dəstəklədiklərini bildiriblər. Soydaşlarımız İranda yaşayan başqa millətlərdən də İran rejiminin bu irqçı hərəkətinə qarşı reaksiya verəcəklərinə ümid etdiklərini bildiriblər.

Xatırladaq ki, İran 2006-cı il Çempionatında da, sözdə milli taxımını “Fars Ulduzları” adlandırmışdı.