GünAzTv: 2010-cu il fevral ayının 2-də Murtaza və Fərdin Muradpur qardaşlarının, 4 milli-mədəni fəalla birlikdə məhkəmə hökmləri Apelyasiya Məhkəməsi (Dadgahe təcdide nəzər) tərəfindən təsdiqlənib.

Məhkəmə hükmünün Apelyasiya Məhkəməsi tərəfindən təsdiqlənməsi o halda baş verib ki, müttəhimlərin bundan heç bir xəbəri olmayıb və özlərini müdafiə edəcək dəlilləri apelyasiya məhkəməsinə təqdim edə bilməyiblər.

Bunların içində daha çox diqqəti çəkən məqam Muradpur qardaşlarının məhkəməsidir. Adını çəkdiyimiz qardaşlar sistemin əleyhinə təbliğ və milli təhlükəsizliyi pozmağa cəhddə ittiham olunublar. "çarşənbə suri " günü oyuncaq kimi uşaqlar tərəfindən atılan tereqqeləri saxtalaşdırıb, bu iki qardaşın adına bağlayıblar. Bununla da Murtaza 3 il və kiçik qardaşı Fərdin isə 6 il həbs cəzasına (təziri) məhkum edilib. Murtaza kiçik qardaşı tərəfindən daşınan tereqqələrdən xəbəri olmamasını dəfələrlə vurqulasada bəraət qazana bilməyib. nəzərə alsaq ki Murtaza bəy Tirəxtur komandasının afişalarını türkcə yayıb, "yazlıq" adlı türk dilində uşaq dərgisi dərc edib, Prof. Zehtabinin və Mühənndis Əmaninin həyat bioqrafiyasını yayıb və evində türk dilində kalendar (təqvim) bulunub, onda onun hansı suçla suçlanmasını anlamaq çətin olmaz.