GünAzTv: Hazırda Evin zindanında məhbus həyatı yaşayan cənab Səid Mətinpurun həyat yoldaşı Taheri xanım "Radio Zəmanə " -yə bildirib ki, Səidin səhhəti təhlükədədir.

O vurqulayıb ki, 2007-ci ildə Zəncan ve Evin zindanında 7 ay tək nəfərlik kamerada saxlanılan zaman onun mədəsində və bel nahiyəsində ağrılar əmələ gəlib. O 8 illik həbs cəzasını çəkmək üçün zindana aparıldığı günə qədər müalicə olunurdu. 2009-cu il iyul ayının 11-də zindana düşəndən sonra Səidin xəstəliklərinin üstünə ürək xəstəliyidə əlavə oldu.o 3 ay Evin zındanında qaldıqdan sonra ürək çatışmamazlığı ilə üzləşdi. məhbus dostları onu zindanın həkiminə aparırlar, həkim 8 metrlik fasilədən heç bir sual-cavab etmədən onun ürəyində problem olmadığını və ancaq əsəb şoku olduğunu bildirir.

Biz bir neçə mütəxxəssis həkimə onun vəziyətini anlatmışıq. onlar bildiriblər ki əgər ürəyində olan ani çatışmamazlıq bir daha baş verərsə Səidin səhhəti üçün çox təhlükəli olabilər. Təssüflə keçənlərdə bu hadisə bir daha təkrar olub.

Mütəxəssislər bildirirlər ki, ürək çatışmamazlığı baş verən zaman ondan kardioqrama (nəvar qəlbi) götürülməlidir, ancaq zindanda buna heç cür imkan yoxdur.

Biz dəfələrlə İnqilab Məhkəməsinə müraciət edib və onun zindanın xaricində bir mütəxəssis tərəfiondən müalicə olunmasına dair icazə istəmişik. lakin hər zaman mənfi cavab eşitmişik. Bu vəziyyət isə bütün ailə üzvlərimizin nigaranlığına səbəb olub.

Xatırladaq ki, Güney Azərbaycanlı jurnalist və insan haqları müdafiəçisi cənab Səid Mətinpur İran məhkəməsi tərəfindən 8 illik həbs cəzasına məhkum edilib. O hazırda Evin zindanında məhkumluk dövrünü keçirməkdədir.