29 ildən sonra Şuşada musiqi bayramı: Qaladan dünyaya verilən mesajlar

2021-05-13 12:24

​​​​​​​50 milyonluq Azərbaycan xalqının qutsal şəhəri Şuşa tarixi günlərini yaşayır. 2 gündür ki, erməni vandallarından azad edilmiş Şuşada,  Azərbaycanın mədəniyyət paytaxtında «Xarıbülbül» müsiqi festivalı keçirilir.

Gunaz.tv Quote | Gunaz article

Mayın 12-də Azərbaycan Respublikasının Prezidenti, müzəffər ordumuzun baş komandanı İlham Əliyev, Birinci xanım Mehriban Əliyeva və qızları Şuşaya səfər edib. Musiqi festvalında iştirak edən mədəniyyət xadimləri, media nümayəndələri, xarici qonaqlar da Şuşaya yola düşüb.
 
Qeyd edək ki, Şuşa şəhəri Ermənistanın işğalından azad olunandan sonra ilk dəfə keçiriləcək festivalın təşkilatçısı Heydər Əliyev Fondudur.

Möhtəşəm festival Şuşanın məşhur Cıdır düzündə təşkil olunub. Xatırladaq ki, ötən əsrin 90-cı illərində Qarabağda bu cür musiqi festivalları təşkil olunurdu. Sonuncu “Xarı bülbül” festivalı erməni vandalimzi nəticəsində dağıdılmış Ağdam şəhərinin “İmarət” stadionunda keçirilmişdi.
28 il əvvəlki Azərbaycan ruhu yenidən doğma şəhərimizə qayıtdı.

“Şuşa Azərbaycan xalqının milli sərvətidir. Bu yaxınlarda Şuşanı Azərbaycanın mədəniyyət paytaxtı elan edilməsi bunu bir daha göstərir. Şuşa qədim Azərbaycan şəhəridir. Gələn il biz Şuşanın 270 illiyini qeyd edəcəyik. Pənahəli xan 1752-ci ildə Şuşanın təməlini qoyub və o vaxtdan işğal dövrünə qədər bu şəhərdə həmişə azərbaycanlılar yaşayıblar.

Ermənilər nə qədər çalışsalar da Şuşadan Azərbaycan ruhunu silə bilmədilər. Bəli, mənfur düşmən tərəfindən binalar dağıdıldı, məscidlərimiz dağıdıldı, tarixi abidələrimiz dağıdıldı. Ancaq Şuşa Azərbaycan ruhunu qoruya bildi. Şuşa 28 il yarım əsarətdə idi, ancaq əyilmədi, sınmadı, öz ləyaqətini qorudu, milli ruhunu qorudu, Azərbaycan ruhunu qorudu.

Əminəm ki, əziz dostlar, bunu görürsüz, bunu hiss edirsiz. Artıq üçüncü dəfədir ki, Şuşaya gəlirəm. Hər dəfə gələndə buradan ayrılmaq istəmirəm. Şuşanın özünə məxsus aurası var.  Dünayda Şuşaya bənzər şəhər görməmişəm, bəlkə də yoxdur. Bu günü uzun fasilıədən sonra azad Şuşada toplaşmışıq. Burada Azərbaycan muğamı səslənəcək. Uzun fasilədən sonra biz Şuşada gözəl musiqi bayramını qeyd edəcəyik”. 

Bunu musiqini festivalının açılış mərasimində Şuşa zəfərinin qururunu yaşayan və emosiyalarını gizlədə bilməyən prezident İlham Əliyev bildirdi.

Dövlət başçısı musiqi festivalının bir mesaj olduğunu vurğuladı: 

“8 noyabrda Şuşaya qan tökərək, vuruşaraq qayıtmışıq. Bu gün isə Azərbaycan mədəniyyətini görkəmli nümayəndələri Şuşaya qayıdıb. Bu reallıqdır. Bu reallıqlda hər kəs hesablaşmalıdır. Biz Şuşada əbədi yaşayacağıq. Bu gün Ramazan bayramı ərəfəsində Şuşada yeni möhtəşəm məscidin təməli qoyuldu. Ermənilər tərəfindən qurudulmuş “Xan qızı Natəvan” bulağından bu gün su gəldi. Bütün bunlar böyük rəmzi məna daşıyır. Bax, bizim qayıdışımız budur. Biz Şuşanı quracağıq, bərpa edəcəyik, mənfur düşmən isə Şuşanı dağıdırdı. İndi siz - burada olan vətəndaşlar, dostlar gəzəcəksiniz, görəcəksiniz ki, Şuşa hansı dağıntılara məruz qalıb”. 

Bu o deməkdir ki, Şuşa və Qarabağ Azərbaycan türklərinin torpağıdır. Ermənilər tarixən torpaqlarımıza göz dikib və 1990-cı illərin əvvəllərində himayədarlarının köməyi ilə Qarabağı, onun incisi, Qafqazın konservatoriyası adlanan Şuşanı işğal edib, xarabazara çeviriblər. Bundan sonra Şuşa yenidən qurulacaq, yenə Azərbaycanın, Qafqazın mədəniyyət beşiyi olacaq.

Şuşadan verilən daha bir mesaj “Xarı bülbül” musiqi festivalında Azərbaycanda yaşayan müxtəlif xalqların musiqi kollektivlərinin çıxışıdır. Uzun illər ermənilər və Azərbaycan xalqının birliyini, Azərbaycanın güclənməsini istəməyən bəzi qonşu dövlətlər milli birliyimizi parçalamağa, ayrı-seçkilik yaratmağa çalışıblar. Azərbaycan isə bütün xalqların, dinlərin rahat, sülh şəratində yaşaya bildiyi ölkə ölduğunu bütün dünyaya sübut etdi.

“Vətən müharibəsi bir daha onu göstərdi ki, Azərbaycanda bütün xalqlar dostluq, qardaşlıq, həmrəylik şəraitində yaşayır və bu 44 günlük müharibə bir daha onu göstərdi ki, ölkəmizdə milli birlik, milli həmrəylik vardır. Təsadüfi deyil ki, birinci festivalda Azərbaycanda yaşayan xalqların nümayəndələri çıxış edəcəklər və bir daha biz bütün dünyaya buradan – Şuşadan, qədim torpağımızdan mesaj veririk. 

Ölkələr belə inkişaf etməlidir, ancaq çoxkonfessiyalı, çoxmillətli ölkələrdə, cəmiyyətlərdə inkişaf olur, birlik olur, milli həmrəylik olur, sülh olur. Biz dünyanın müxtəlif yerlərində baş verən hadisələri izləyirik, görürük və deyə bilərəm ki, bir neçə il bundan əvvəl bu gün mövcud olan vəziyyəti görürdük. 

Ona görə həm ölkə daxilində, həm beynəlxalq müstəvidə, o cümlədən ölkəmizdə keçirilmiş çoxsaylı tədbirlərdə multikulturalizmi təbliğ edirdik, müxtəlif xalqların birgəyaşayışını təbliğ edirdik və deyirdik ki, bu, mümkündür. Azərbaycanın timsalında deyirdik ki, bu, mümkündür və göstərirdik, öz təcrübəmizi bölüşürdük, öz fikirlərimizi bölüşürdük və hesab edirəm ki, bizim bu səylərimiz nəticə verdi. Çünki bu gün dünyada bu məsələ ilə bağlı daha dəqiq təsəvvür vardır”,-dövlət başçısı belə dedi.

Festivalın birinci gecəsi erməni separatçılarını lərzəyə salan daha bir hadisə baş verdi. 29 ildən sonra Şuşada bayram atəşfəşanlığı keçirildi. Mayın 13-də isə şəhərin “Gövhər ağa” 29 ildən sonra bayram namazı qılındı. 
Bütün bunlar milli ruhumuzun, Azərbaycan ruhunun Şuşaya, Qarabağa qayıtdığının göstəricisidir. Dünyaya verilən əsl mesaj budur: 28 il əsarətdə qalmış Şuşa yenə bizimdir, əsl sahibinindir. Bayramınız mübarək!

Ayxan


 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Daha yeddi ölkənin vətəndaşlarının Azərbaycana səfərinə icazə verilib

2021-06-16

gun az article

Cenevrədə Rusiya və ABŞ prezidentləri arasında görüş başlayıb

2021-06-16

gun az article

İsrailin texnologiya şirkətləri Qarabağda fəaliyyət göstərə bilər

2021-06-16

gun az article

Türkiyə Prezidenti: "Qarabağı birlikdə inşa edəcəyik"

2021-06-16

gun az article

Rafael Qrossi: “Nüvə sazişini canlandırmaq üçün İranda yeni hökumətin iş başına gəlməsinə qədər gözləməliyik”

2021-06-16

gun az article

Ərdoğan Milli Məclisdə çıxış edir - CANLI

2021-06-16

gun az article

İranda mühafizəkar namizəd İbrahim Rəisinin xeyrinə prezident seçkisində iştirakdan imtina edib

2021-06-16

gun az article

“NATO ilə əməkdaşlığın daha da genişləndirilməsini istəyirik” – Hikmət Hacıyev

2021-06-16

gun az article

Türkiyəli ekspert: “Şuşa Bəyannaməsi ilə Ermənistanın özbaşınalığının qarşısı alınacaq”

2021-06-16

gun az article

İran rəsmisi: “Prezident seçkilərinin nəticəsi şənbə günü elan ediləcək”

2021-06-16

gun az article

İranda 210 deputat İbrahim Rəisi ilə bağlı prezidentliyə namizədlərə müraciət etdi

2021-06-16

gun az article

Milli Qəhrəman Əliyar Əliyevin məzarı bərpa olunub - FOTO

2021-06-16

gun az article

“Sülhməramlılar gedəcək, Xankəndi Azərbaycanın nəzarətinə keçəcək”-İlham İsmayıl 

2021-06-16

gun az article

İranda azərbaycanlı namizəd prezident seçkisində iştirakdan imtina etdi

2021-06-16

gun az article

Jurnalistlər Füzuli rayonuna səfərə gedib

2021-06-16

gun az article

Bu gün terror-təxribat törədən erməni silahlı dəstəsinin 14 üzvünün məhkəməsi başlayır

2021-06-16

gun az article

İran həbsxanalarında qadınlara cinsi təcavüz hekayətləri

2021-06-16

gun az article

Kosmik Agentliyə sədr təyin edilib

2021-06-16

gun az article

Ərdoğan bu gün Milli Məclisdə çıxış edəcək

2021-06-16

gun az article

İstiqlalçı millət vəkili vəfat edib

2021-06-16