SEPAH-a bağlı sayt Azərbaycanı ittiham etdi: "Atəşkəs razılaşmasında Zəngəzur dəhlizinin açılması öz əksini tapmayıb”

SON XƏBƏRLƏR

SEPAH-a bağlı sayt Azərbaycanı ittiham etdi: "Atəşkəs razılaşmasında Zəngəzur dəhlizinin açılması öz əksini tapmayıb”

2021.10.20, 07:36

Gunaz.tv

“Bakının heç bir razılaşmada öz əksini tapmayan bir dəhliz üçün təbliğat aparması” başlıqlı yazıda deyilir ki, Azərbaycan rəsmiləri qonşuluq prinsiplərinə və beynəlxalq qanunlara məhəl qoymadan Dağlıq Qarabağ atəşkəs razılaşmasının müddəalarını təhrif etməklə bölgədə və sərhədlərdə geosiyasi vəziyyəti dəyişmək üçün bir dəhlizin yaradılması ilə bağlı tələbini gerçəkləşdirməyə çalışırlar.

“Onlar (azərbaycanlılar-red) iddia edirlər ki, atəşkəs razılaşması zamanı, Naxçıvan Muxtar Respublikasını Azərbaycan Respublikasına birləşdirən quru bir yolun çəkilməsi üçün tərəflər arasında razılıq əldə edilib. Halbuki iki ölkə arasında əldə olunmuş doqquz bənddən ibarət razılaşmanın heç bir bəndində belə bir şey qeyd olunmayıb və öz əksini tapmayıb.

Sözügedən razılaşmanın 9 -cu bəndində Ermənistan Azərbaycan Respublikasının qərb hissəsi ilə Naxçıvan Muxtar Respublikası arasında bağlı olan nəqliyyat marşrutlarının açılmasına və bu marşrutlarda nəqliyyatın

təhlükəsizliyini təmin etməyə razılıq verib, lakin razılaşmanın heç bir yerində Ermənistan-İran sərhədi boyunca hansısa bir koridorun yaradılması, sərhədin aradan qaldırılması və İranın Ermənistanın tranzit yoluna çıxışından məhrum edilməsi barədə heç bir söhbət getməyib”, -deyə yazıda bildirilir.

Yazıda həmçinin deyilir ki, başqalarının torpağında gözü olan Azərbaycan prezidenti İlham Əliyev “sionist rejimin məkrli planlarına” və “Türkiyənin təxribatlarına” uyaraq, istər danışıqlar yolu ilə, istərsə də zor gücü yolu ilə bir dəhlizin çəkilməsindən danışır.

“Azərbaycan Respublikası Prezidenti Emənistanın İranla sərhəddə yerləşən "Syunik" əyalətini "Zəngəzur koridoru" adı ilə təqdim edərək, BMT Nizamnaməsinə zidd olaraq, rəsmi İrəvan istəsə də istəməsə də Zəngəzuru zor gücü ilə də olsa Ermənistandan alacağını bildirib.

Azərbaycan Respublikasının prezidenti sərhəd münaqişəsi ilə bağlı ixtilafların həlli üçün Ermənistanla sülh danışıqları aparmağa hazır olduğunu iddia etsə də, razılaşmada Laçın dəhlizi ilə bağlı üzərinə götürdüyü

öhdəliklərə əməl etmədiyi bir halda, son bir ildə dəfələrlə meydan oxumaqla və təhdid dili ilə danışmaqla Zəngəzur koridorunun açılması üçün Ermənistana təzyiq göstərməyə çalışıb”, -deyə yazıda bildirilir.