ABŞ Dövlət Departamenti barəsində sanksiya qoyulan İranın 5 nüvə mütəxəssisinin adlarını açıqlayıb

SON XƏBƏRLƏR

ABŞ Dövlət Departamenti barəsində sanksiya qoyulan İranın 5 nüvə mütəxəssisinin adlarını açıqlayıb

2021.10.20, 07:36

Gunaz.tv

GünazTV: ABŞ Dövlət Departamenti martın 18-də bəyanat yayaraq, Tramp hökumətinin iki gün əvvəl barəsində sanksiya qoyduğu İranın 5 nüvə mütəxəssisinin adlarını açıqlayıb.

Bəyanatda bildirilir ki, barələrində sanksiya qoyulmuş Məhəmməd Mehdi Hadəvi, Kamran Daneşcu, Arif Bali Laşək, Mehdi Tehrançı və Əli Mehdipur Omrani, İranın atom bombası əldə etmək üçün 2004-cü ildən əvvəlki illərdə "amad layihəsi" adı altında gizli nüvə proqramı ilə əməkdaşlıq etmiş və bu əməkdaşlığı bu gün də davam edən İranın nüvə mütəxəssisləridir.

ABŞ-ın dövlət katibi Mayk Pompeo martın 17-də bəyanat yayaraq, islam respublikasının məxfi nüvə proqramı ilə əməkdaşlıq edən həmin 5 İran alimini sanksiyalar siyahısına salmasından xəbər vermişdi: “Amerika hökumətinin sanksiyalarına məruz qalan həmin şəxslər, İranın atom bombası əldə etmək üçün 2004-cü ildən əvvəlki illərdə "amad layihəsi" adı altında həyata keçirilən məxfi nüvə proqramında fəaliyyət göstəriblər. Onlar hazırda da eyni məqsəd uğrunda İran rejiminin xidmətindədirlər” -deyə, Pompeo bildirmişdi.

Qeyd edək ki, İsrail və bir qrup amerikalı rəsmi məxfi kəşfiyyat məlumatlarına əsaslanmaqla, İranın 2004-cu ildən əvvəl atom bombası əldə etmək üçün "amad layihəsi" adı altında proqram həyata keçirdiyini bildirirlər. Atom Enerjisi üzrə Beynəlxalq Agentliyin raportları həmin layihənin uğursuzluğa düçar olmuş böyük hissəsinin 2004-cü ildə dayandırıldığını göstərir.

A.M