ABŞ Dövlət Departamenti: “İranda insan hüquqları uğrunda dinc fəaliyyət aparan 800 nəfər həbsdə saxlanılır”

SON XƏBƏRLƏR

ABŞ Dövlət Departamenti: “İranda insan hüquqları uğrunda dinc fəaliyyət aparan 800 nəfər həbsdə saxlanılır”

2021.10.20, 07:36

Gunaz.tv

GünAzTV: Dekabrın 11-də ABŞ Dövlət Departamentinin “Twitter” səhifəsi İranda həbsdə saxlanılan hüquq müdafiəçiləri barədə yazı dərc edib.

Beynəlxalq İnsan Hüquqları Günü münasibətilə paylaşılan postda bildirilir ki, İranda məhbus hüquq müdafiəçilərinə və dinc etiraz aksiyalarına qatılan fəhlələrə qarşı təzyiqlər getdikcə artır: “İran hakimiyyəti ölkədə insan haqlarının təbliği sahəsində fəaliyyət aparan 800 nəfəri həbsdə saxlayır. Biz, bu Beynəlxalq İnsan Hüquqları Günündə öz həmvətənlərinin hüquq və azadlıqları uğrunda fəaliyyət aparmış iranlı məhbuslarla həmrəy olduğumuzu bildirir, onların bu fəaliyyətini yüksək qiymətləndiririk.

ABŞ Dövlət Departamenti tam iftixarla elan edir ki, o, İranda dünyəvi və inkaredilməz hüquqlarının pozulması hallarının dayandırılmasını tələb edən və hüquqlarına hörmətlə yanaşılmasını arzu edən məhbus fəalların səsini yaymağa çalışır”.