Afrin əməliyyatı başlayıb: 113 hədəfdən 108-i məhv edilib

SON XƏBƏRLƏR

Afrin əməliyyatı başlayıb: 113 hədəfdən 108-i məhv edilib

2021.10.20, 07:36

Gunaz.tv

GünAz TV: "Amerika Birləşmiş Ştatlarının (ABŞ) nə dediyi artıq bizi maraqlandırmır. Afrin əməliyyatı ərazidə faktiki olaraq başlayıb. Daha sonra Münbiç əməliyyatı gələcək”.

Bu sözləri Türkiyə prezidenti Rəcəb Tayyib Ərdoğan başçılıq etdiyi Ədalət və İnkişaf Partiyasının Kütahya təşkilatının toplantısında çıxışında deyib.

Türkiyə SQ Baş Qərargahı isə bildirib ki, Silahlı Qüvvələri əməliyyat keçirdiyi Suriyanın Afrin bölgəsində nəzərdə tutulmuş 113 hədəfdən 108-ni vurub. “Ölən və yaralananların hamısı terror təşkilatların üzvüdür”, - deyə məlumatda bildirilir.

Türkiyə XİN rəhbəri Mövlud Çavuşoğlu isə bildirib ki, Türkiyə Afrindəki əməliyyatı, Birləşmiş Millətlər Təşkilatının (BMT) Nizamnaməsinə uyğun olaraq, beynəlxalq hüquq normaları və özünümüdafiə hüququ əsasında aparır.

"Əməliyyat mülki şəxslərə və günahsız suriyalılara qarşı yönəlməyib. Əməliyyat yalnız İŞİD, YPG və PYD kimi terror təşkilatlarına qarşı aparılır”, - deyə Çavuşoğlu "Twitter” hesabında qeyd edib.

Qeyd edək ki, Türkiyə ordusu bu gün Bakı vaxtı ilə saat 18.00-da Suriyanın Afrin bölgəsində terrorçulara qarşı "Zeytun budağı" əməliyyatına başlayıb.

N.S