Pakistanda 20 Yanvar şəhidləri anıldı

20.01.2022, 02:00

Azərbaycan Respublikasının Pakistandakı Səfirliyinin təşkilatçılığı, bu ölkənin SZABİST Universiteti və Regionşünaslıq İnstitutunun həmkarlığı ilə Pakistanda 20 yanvar şəhidlərinin anım gününə həsr olunan “20 Yanvar 1990 – Azərbaycan tarixinin qanlı və şanlı səhifəsi” adlı seminar keçirilib.

Gunaz.tv Quote | Gunaz article

Azərbaycanın Pakistandakı səfirliyindən Modern.az-a verilən məlumata görə, seminarda universitet rəhbərliyi və tələbələr, Səfirik əməkdaşları, Pakistan ictimaiyyəti və KİV nümayəndələri iştirak ediblər.

Hər iki ölkənin dövlət himnlərinin səsləndirilməsindən sonra 20 yanvar şəhidlərinin əziz xatirəsi 1 dəqiqəlik sükutla yad edilib.

Tədbirdə çıxış edən səfir Xəzər Fərhadov, 20 yanvar tarixinin Azərbaycan xalqının suverenliyi, müstəqilliyi və ərazi bütövlüyü uğrunda mübarizəsinin simvolu olduğunu bildirib.

Hadisələrin erməni millətçilərinin Azərbaycana qarşı ərazi iddiaları ilə çıxış etmələri, eləcə də Azərbaycan xalqının o vaxtki SSRİ lideri Mixail Qorbaçovun yürütdüyü ermənipərəst siyasətə etiraz etməsi ilə başlandığını qeyd edən səfir, Sovet İttifaqının liderinin qərəzli siyasətindən istifadə edən ermənilərin Azərbaycana qarşı məkrli siyasətlərini həyata keçirdikləri barədə məlumatlardan bəhs edib.

X.Fərhadov, Azərbaycan xalqının öz doğma torpaqlarını və hüquqlarını qorumaq üçün azadlıq hərəkatına başladığını xüsusilə vurğulayıb.

Diplomat, o zamankı mərkəzi hökumətin bu azadlıq hərəkatını yatırtmaq üçün fövqəladə vəziyyət elan etmədən 1990-cı il yanvarın 19-dan 20-nə keçən gecə Azərbaycana qarşı hərbi əməliyyatlara başladığını, bunun nəticəsi olaraq 147 azərbaycanlının qəddarcasına qətlə yetirildiyini, 744 nəfərin ağır yaralandığını və insanlığa qarşı cinayətlərin törədildiyini vurğulayıb.

Səfir, azərbaycanlıların öz ərazi bütövlüklərini qorumaqda qərarlı olduqlarını və milli azadlıqları üçün özlərini qurban verdiklərini iştirakçıların diqqətinə çatdırıb.

X.Fərhadov, Azərbaycan xalqının o çətin günündə ölkəmizin ümummilli lideri Heydər Əliyevin Azərbaycanın Moskvadakı Daimi Nümayəndəliyinə gələrək xalqımız ilə birlik nümayiş etdirdiyini, bu faciənin insanlığa qarşı törədilmiş cinayət olduğunu bildirərək SSRİ rəhbərliyinin məkrli niyyətlərini ifşa etdiyini və təşəbbüskarların layiqli şəkildə cəzalandırılması gərəkdiyini bildirdiyini vurğulayıb.

Səfir, məhz xalqın tələbi ilə ümummilli lider Heydər Əliyevin hakimiyyətə gəlməsindən sonra onun birbaşa təşəbbüsü ilə 20 Yanvar faciəsinə dövlət səviyyəsində siyasi-hüquqi qiymət verildiyini bildirib.

O, həmçinin, Azərbaycan xalqının hərbi, mənəvi və siyasi təcavüzlərə məruz qalmasına baxmayaraq, tarixi qəhrəmanlıq ənənələrini qoruyub saxlaya bilmək bacarıqlarını nümayiş etdirdiyini və öz həyatlarını itirmək bahasına belə olsa, vətənlərinin azadlığı və müstəqilliyi uğrunda ən qəddar hücumlara belə müqavimət göstərdiklərini ifadə edib.

Səfir Xəzər Fərhadov Azərbaycan və Pakistan münasibətlərinə də toxunub və ölkələrinin müstəqilliyi uğrunda canından keçmiş şəhidləri ehtiramla yad edib.

Tədbirdə çıxış edən SZABİST Universitetinin İslamabad kampusunun rəhbəri Xuşro Pərviz Xan, bu universitetin professoru Taraq Vahid və Regionşunaslıq İnstitutunun prezidenti Nadim Riyaz Azərbaycan və Pakistan arasındakı dostluq və qardaşlıq münasibətindən söhbət açıblar, hər bir ölkənin tarixində bu cür şanlı səhifələrin olduğunu ifadə edərək, 20 yanvarın Azərbaycanın tarixində dönüş nöqtəsi olmasından bəhs ediblər.

Onlar ölkələrinin müstəqilliyi uğrunda canlarını qurban vermiş şəhidlərin xatirəsinin həmişə uca tutularaq hörmətlə yad ediləcəyini bildiriblər.

Tədbirin sonunda 20 yanvar hadisələri və Azərbaycan – Pakistan əlaqələrinə dair iştirakçıları maraqlandıran çoxsaylı suallar da cavablandırılıb.

Tədbirdə Azərbaycan həqiqətlərinə dair müxtəlif məzmunlu kitablar, jurnallar və digər əyani materiallar da yayılıb, 20 Yanvar hadisələrinin tarixi-siyasi əhəmiyyəti və şəhidlərin əziz xatirəsi ilə bağlı videoçarx nümayiş etdirilib. (modern.az)

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Həmədan əyalətində səhralaşma sürətlə artır

2022-05-27

gun az article

Güclü daşqın Ərdəbil kəndlərinə ciddi ziyan vurub

2022-05-27

gun az article

Qəzvində tarixi əsər qaçaqmalçıları həbs edilib

2022-05-27

gun az article

"Ərk"-Azərbaycan İnsan Haqları Təşkilatı güneyli fəallarla bağlı müraciət edib

2022-05-27

gun az article

"Görüş”də müzakirə: “İranda iqtisadi fəlakət: Səbəblər və gələcək”-VİDEO

2022-05-27

gun az article

“Sözümüz” proqramında müzakirə: “Qaşqay türkləri”-VİDEO

2022-05-27

gun az article

Vərziğanda qədim qayaüstü rəsm əsərləri tapılıb

2022-05-26

gun az article

Təbriz və Bursa qardaşlaşmış şəhər olacaq

2022-05-26

gun az article

Yaxınları milli fəal Məhəmməd Eyninin taleyindən nigarandır

2022-05-26

gun az article

"Traxtur" Şiraz klubunu məğlub edib

2022-05-26

gun az article

Sulduzda "May qiyamı" qurbanlarının xatirəsi anılıb

2022-05-25

gun az article

Azərbaycanlı veteran futbolçu Əli Dayinin Kirmana sərmayə yatırması narazılıq doğurdu

2022-05-25

gun az article

Şərqi Azərbaycan İran parlamentinin Rəyasət Heyətində kürsüsünü itirdi

2022-05-25

gun az article

“Özümüz” proqramında müzakirə: “Qaraqoyunlu dövləti” -VİDEO

2022-05-25

gun az article

Qərbi Azərbaycanda koronavirusa yoluxan uşaqların sayı artıb

2022-05-25

gun az article

Güney Azərbaycanda dəmiryolu işçiləri etirazlara başlayıb

2022-05-25

gun az article

Güney Azərbaycan ali məktəbləri Ərzrum Universiteti ilə əməkdaşlıq edəcək

2022-05-25

gun az article

Şərqi Azərbaycanda məktəb və dövlət idarələri bağlandı

2022-05-25

gun az article

Güneyli alimin edam hökmünün ləğvi istəyi ilə mitinqə çağırış edilib

2022-05-25

gun az article

Abbas Lisani yenidən əməliyyat olunub

2022-05-25