SON XƏBƏRLƏR

"Şərqi Azərbaycanda yüzlərlə konteyner məktəb var"- Vali

2022.07.18, 08:29
"Şərqi Azərbaycanda yüzlərlə konteyner məktəb var"- Vali

Gunaz.tv

Vali Şərqi Azərbaycan əyalətində hal-hazırda 309 konteyner məktəbin fəaliyyət göstərdiyini, onların çoxunun aztəminatlı bölgələrdə olduğunu bildirib.

Vali İbrahim Rəisinin əyalətə səfəri zamani bu məsələnin həlli üçün büdcə barədə danışıldığını deyib, məktəb çatışmazlığının aradan qaldırılması üçün Şərqi Azərbaycan mədənlərinə müraciət etdiklərini bildirib.

Vali etiraf etməsə də, bu, Rəisinin səfəri zamanı Şərqi Azərbaycan əyalətinin təhsil sahəsinə yeni büdcə ayrılmadığını göstərir.

Qeyd edək ki, illərdir konteyner məktəblərin yığışdırılması ilə bağlı millət vəkilləri və əyalət rəsmilərinin çoxsaylı vədlərinə baxmayaraq məsələ həll olunmamış qalıb.

Təhsil Nazirliyinin yerli bölmələri dövlətin yeni məktəblərin tikintisi və köhnə məktəblərin təmiri ilə bağlı vəsait ayırmadığını deyirlər.

Bu səbəbdən Azərbaycan əyalətlərində məktəb binalarının çatışmazlığı problemi yerli xeyriyyəçilərin vəsaiti hesabına həll olunur. 

Timur 

SEÇİLMİŞ XƏBƏRLƏR

Çox oxunanlar