Məlumatda terrorçunun İrana və İran rəhbərlərinə rəğbətinin olduğu, özünün facebook sosial media hesabında SEPAH və Tehran hökumətinin başçılarını və şiəliyi dəstəkləyən paylaşımlar etdiyi bildirilib.
Onun hesabında Ruhullah Xomeyni, Əli Xameneyi və SEPAH-la bağlı fotoların olduğu qeyd olunub.
Yazıçıya hücum xəbərindən sonra İran İnqilab Keşikçiləri Korpusunun "Qüds" qüvvələrinin komandiri İsmail Qaani çıxış edərək Amerikanın keçmiş prezidenti Donald Tramp və onun xarici işlər naziri Mayk Pompeonu təhdid edib.
"Daha öz evinizdə də təhlükəsizliyiniz olmayacaq, bundan sonra Donald Tramp və Mayk Pompeo da Salman Rüşdi kimi yaşamağa məcbur olacaqlar"-deyə, Qaani onları terrorla hədələyib.
Qeyd edək ki, 75 yaşlı Salman Rüşdi avqustun 12-də Qərbi Nyu Yorkda çıxışı başlamazdan əvvəl hücuma məruz qalıb.
Onun vəziyyətinin ağır olduğu, hal-hazırda süni tənəffüs aparatına qoşulduğu bildirilir.
Cavidan
