SON XƏBƏRLƏR

Salmas zindanında məhbuslar ağır durumda saxlanılır

2022.08.08, 05:13
Salmas zindanında məhbuslar ağır durumda saxlanılır

Gunaz.tv

Məlumatda zindanda ibtidai şəraitin olmadığı, məhkumların davamlı incidildiyi, kameraların havalandırma, içməli su, tibbi yardım və başqa bu kimi imkanlardan məhrum olduğu bildirilir.

Bununla yanaşı 5 bölmədən ibarət zindanda çarpayı çatışmazlığı ucbatından məhbusların çoxunun yerdə yatmağa məcbur olduğu qeyd edilir.

İnsan haqları təşkilatı məhbusların ailələrinə istinadən qeyd olunan problemlər səbəbindən çox sayda məhkumun müxtəlif xəstəliklərə yoluxduğunu yazıb.

Məhkumların təsnifatlandırılmadığını yazan insan haqları təşkilatı, ağır cinayətlər törətmiş məhbuslarla, adi və siyasi məhbusların eyni bölmələrdə saxlanıldığını bildirib.

Qurum bununla da siyasi məhbuslara davamlı təzyiq göstərildiyini, zindan rəhbərliyinin məhkumlara qarşı qeyri-insani davrandığını vurğulayıb.

Timur
 

SEÇİLMİŞ XƏBƏRLƏR

Çox oxunanlar