Amerika İranın kosmik mərkəzlərinə sanksiya qoyub

SON XƏBƏRLƏR

Amerika İranın kosmik mərkəzlərinə sanksiya qoyub

2021.10.20, 07:36

Gunaz.tv

GünazTV: Amerika İranın kosmik mərkəzinə və onun nəzdində fəaliyyət göstərən iki araşdırma mərkəzinə sanksiya qoyub.

ABŞ-ın Maliyyə Nazirliyinin sentyabrın 3-də yaydığı bəyanatında bildirilir ki, İranın Kosmik Təşkilatı, Kosmik Araşdırmalar İnstititu və İranın Hava-Kosmik Araşdırmalar Mərkəzi həmin nazirliyin sanksiyalar siyahısına daxil edilib: “İran kosmik təşkilatlarından özünün ballistik raket proqramını inkişaf etdirmək üçün istifadə edib. Bu isə BMT Təhlükəsizlik Şurasının 2231 saylı qətnaməsinə zidd addımdır” –deyə bəyanatda vurğulanır.

Tramp hökumətinin İranın kosmik mərkəzlərinə qarşı sanksiya tətbiq etməsinin ardınca, ABŞ-ın dövlət katibi Mayk Pompeo jurnalistlərə açıqlamasında məsələyə münasibət bildirərək deyib ki, rəsmi Vaşinqton İranın kosmik fəaliyyətləri adı altında özünün ballistik raket proqramını inkişaf etdirməsinə imkan verməyəcək.

ABŞ-ın dövlət katibi Mayk Pompeo

Qeyd edək ki, ABŞ Maliyyə Nazirliyinin barəsində sanksiya qoyduğu kosmik mərkəzləri İranın Elm və Tədqiqat, eləcə də Kommunikasiya və Texnologiya nazirliklərinin tabeliyində fəaliyyət göstərir.