Bu gün “Mehrnews” agentliyinə müsahibəsində Rəsul Sənayirad deyib ki, İranın şimal-qərb sərhədlərinin yaxınlığında baş verənlərin arxasında “sionist rejimi” dayanır və bəzi trans-regional qüdrətlər İranın qonşularından bir vəsilə kimi istifadə etmək niyyətindədirlər.
“Bizim ölkənin şimal-qərbində keçirdiyimiz hərbi təlimlərin bu oyunun arxasında duran tərəflərə güclü bir mesajı var idi. O da budur ki, biz terrorçulara, istər təkfirçilərdən olsunlar, istər də sionistlərdən, öz sərhədlərimizin ətrafında yuva qurmasına imkan verməyəcəyik.
Bir daha bildiririk ki, İran bölgədə hər hansı bir geopolitik dəyişiklik edilməsinə müxalifdir və ərazi bütövlüyünün qorunmasını, beynəlxalq qanunlara riayət edilməsini, eləcə də beynəlxalq hüquqa və qonşuların hüquqlarına hörmətlə yanaşılmasını önəmli sayır”, -deyə İran Silahlı Qüvvələri baş komandanının (Xamneyi-red) siyasi-ideoloji ofisinin siyasi məsələlər üzrə müavini Rəsul Sənayirad bildirib.
A.M
