Tanınmış iranlı aktrisa Zöhrə Fəkur Səbur intihar edib

SON XƏBƏRLƏR

Tanınmış iranlı aktrisa Zöhrə Fəkur Səbur intihar edib

2022.03.02, 07:09

Gunaz.tv

Onun çoxlu həb içərək intihar etdiyi bildirilir.

İran mediası 43 yaşlı aktrisanın fevralın 1-i, gecə saatlarında xəstəxanaya çatdırıldığını yazıb. Məlumata görə, həkimlərin səyinə baxmayaraq onun həyatını xilas etmək mümkün olmayıb.

Rəsmi media faktı gizlətməyə çalışasa da, aktrisanın yaxınları və sənət dostlarının paylaşımlarından sonra intihar faktı təsdiqlənib.

İran televiziyasının ictimaiyyətlə əlaqələr bölməsi məlumat yayaraq Zöhrə Fəkur Səburun yaxınlarına başsağlığı verib.

O, İranda daha çox “Delnəvazan”, “Hindli qonaq”, “Gənclik dövrü”, “Böyük baş ağrıları” serialların oynadığı rollarla tanınmışdı.

Qeyd edək ki, son illər İranda intihar hadisələri dəfələrlə artıb və ekspertlərin bildirdiyinə görə, İran əhalisinin ortalama 33%-də psixi problemlər yaranıb.

Bu fakt İran Səhiyyə Nazirliyinin 2021-ci ilədəki hesabatında da öz əksini taparaq təsdiq lunub.

Mütəxəssislərin fikrincə, intiharların əsas səbəbi ictimai və fərdi qadağalardan doğan depressiya, yoxsulluq və maddi sıxıntılardır.

C.E