Antonio Quterreş: “Qasım Süleymaninin İraq və Suriyaya ardıcıl səfərləri beynəlxalq qanunlara ziddir”

SON XƏBƏRLƏR

Antonio Quterreş: “Qasım Süleymaninin İraq və Suriyaya ardıcıl səfərləri beynəlxalq qanunlara ziddir”

2021.10.20, 07:36

Gunaz.tv

GünAzTV: BMT-nin baş katibi Antonio Quterreş dekabrın 12-də Təhlükəsizlik Şurasına təqdim etdiyi bir hesabatda “Sepah”ın xarici əməliyyatlar üçün nəzərdə tutulmuş “Qüds” qanadının komandanı Qasım Süleymaninin İraq və Suriyaya qanunsuz səfərlərindən və Yəməndən Səudiyyə Ərəbistanına atılan İran raketlərindən danışıb.

Hesabatda bildirilir ki, Qasım Süleymsninin regionun bəzi ölkələrinə, o cümlədən də İraq və Suriyaya sərbəst şəkildə gedib gəlməsi qəbul edilməzdir: “Bu isə, 2007-ci ildən bu yana bununla bağlı tətbiq edilmiş sanksiyaları pozur. “Sepah”ın “Qüds” qanadı komandanının bu iki ölkəyə sərbəst səfərləri, beynəlxalq qanunlara ziddir və mən, Qasım Süleymaninin xarici səfərlərinə qadağa qoyulmasına baxmayaraq onun İraq və Suriyaya qanunsuz səfərlərini hələ də davam etdirməsi məsələsini BMT Təhlükəsizlik Şurasının dekabrın 18-də keçiriləcək iclasında qaldıracağam”.

"Sepah"ın "Qüds" qanadının komandanı Qasım Süleymani

Quterreş, öz hesabatında Yəməndəki şiə-husilərin Səudiyyə Ərəbistanına atdığı İranın ballistik raketlərinə də toxunub. O bildirib ki, BMT mütəxəssisləri, husilərin noyabrın 4-də Ər-Riyadın hava limanına atdığı raketin qırıntıları üzərində apardığı araşdırmalar, onların üzərində yazılmış şüarın İranın Hava-Kosmik Təşkilatına bağlı “Şəhid Baqiri Sənayesi” holding şirkətinin istehsal etdiyi raketlər üzərində yazılmış şüarlara bənzərliyini aşkalayıblar.

Xatırladaq ki, İranın Hava-Kosmik Təşkilatına və ona bağlı şirkətlərə BMT tərəfindən sanksiya qoyulub. Həmçinin, Vaşinqton 2007-ci ildə, Avropa Birliyi isə 2011-ci ildə “Sepah”ın “Qüds” qanadını və onun komandanı olan Qasım Süleymanini terrorçular siyahısına daxil edib.

A.M