Marağada yüzlərlə məktəbli təhsildən uzaqlaşıb

SON XƏBƏRLƏR

Marağada yüzlərlə məktəbli təhsildən uzaqlaşıb

2021.11.30, 12:20

Gunaz.tv

Onların təhsillərini yarımçıq tərk etmələrinin əsas səbəbi yoxsulluq, qızların az yaşda evlənməyə məcbur edilməsi, az yaşlı uşaqların işə cəlb olunmasıdır.

Şərqi Azərbaycan valisinin müavini və Marağa şəhərinin fərmandarı Seyid Əli Musəvi mediaya verdiyi açıqlamada təhsilini yarımçıq qoyan 404 şagirdin 152-nin yenidən təhsilə cəlb olunmaları mümkün olsa da, qalan 252 şagir məktəblərə geri qayıtmayıb.

Qeyd olunan şagirdlər əsasən Marağanın şəhərətrafi məhəllələrində və kəndlərdə yaşayan aztəminatlı ailələrin uşaqlarıdırlar.

Marağa fərmandarı məsələ ilə bağlı verdiyi açıqlamada mahalda təhsil sahəsinin başqa problemlərindən danışaraq, Marağada təhsil ocaqları və təhsil işçilərinin çatışmamazlığını bildirib.

Hazırda Marağa mahalında 51 min məktəbli 550 məktəbdə təhsil alır və yeni qurulan məktəblərin əksəriyyəti yerli xeyriyyəçilərin hesabına tikilib.

C.E

فرماندار جدید شهرستان مراغه معرفی شد | خبرگزاری فارس