SON XƏBƏRLƏR

Qaradağ meşələri Dünya Təbiət Abidələri siyahısına salına bilər

2021.10.23, 13:07
Qaradağ meşələri Dünya Təbiət Abidələri siyahısına salına bilər

Gunaz.tv

Şərqi Azərbaycan əyalətinin Mədəni İrs, Turizm və Əl İşləri Təşkilatının rəhbəri Əhməd Həmzəzadə Qaradağın “Dızmar” meşələrinin Dünya Təbiət Abidələri Siyahısına salınması istiqamətində dəyərləndirmə işlərinin aparılması üçün “Beynəlxalq Təbiəti Mühafizə Birliyi”nın (IUCN) nümayəndələrinin 25-28 oktyabr tarixlərində bölgədən görüş keçirəcəklərini deyib.

Onun sözlərinə görə, Dızmar bölgəsinin qorunan meşələrinin YUNESKO-nun Ümumdünya İrs Siyahısına salınması üçün namizədliyi irəli sürülübb və Hirkan meşələrinin dosyesi ilə birgə araşdırılacaq. 

“Son iki il ərzində bu məqsədlə beynəlxalq məsləhətçilər, Mədəni İrs Nazirliyi və onun əyalət üzrə nümayəndəliyinin ekspertləri, ətraf mühitin mühafizəsi, meşələr, otlaqların mühafizəsi, su hövzələrinin idarə olunması qurumunun əməkdaşları bölgəyə çoxsaylı sahə səfərləri edib, sənədli filmlər çəkiblər”-deyə, Həmzəzadə bildirib.

O, bu məsələdə Azərbaycan Respublikasının əlaqədar mərkəzlərindən birinində rolunun olduğunu və hazırlanan sənədlərin YUNESKO katibliyinə göndərildiyini qeyd edib.

Qaradağ meşələrinin 164 min hektar sahəsi var, bu sahədən 148 min hektarının qoruma altında olduğu elan olunub. Buna baxmayaraq vaxtaşırı bölgədə ağacların tək-tək və ya kütləvi şəkildə kəsilməsinə, eləcə də yanğınların baş verməsinə şahid oluruq.
Bu meşələrdə çoxlu heyvan yaşayır və müxtəlif bitki növləri mövcuddur.

2019-cu ildə Azərbaycan İnsan Hüquqları Cəmiyyəti (ƏRK) Qaradağ meşələrində baş verən yanğınla bağlı Birləşmiş Millətlər Təşkilatına (BMT) raport təqdim edib. Raportda yanğınların səbəbləri, meşə sahələrinin yanaraq sıradan çıxması, yanğının vaxtı-vaxtında söndürülməməsi, bölgədə yanğın söndürmək üçün lazımi imkanların olmaması və s. kimi məsələlərə işarə edilib.

C.E
 

SEÇİLMİŞ XƏBƏRLƏR

Çox oxunanlar