Tariximizin 20 Yanvar səlnaməsi: Qəhrəmanlıq və şərəf günü

20.01.2022, 03:04

​​​​​​​Bu gün Azərbaycanda ümumxalq hüzn günüdür. Xalqımızın tarixində ən dəhşətli faciələrdən biri olan 20 Yanvar qətliamından 32 il ötür.

Gunaz.tv Quote | Gunaz article

Tarixə qısa səyahət edək. 1988-ci ilin fevralında Azərbaycanın Qarabağ bölgəsində separatçılıq meylləri baş qaldırmışdı. Moskvanın dəstəyi ilə bu pozuculuq meylləri getdikcə güclənir,  Ermənistanda və Dağlıq Qarabağda yaşayan azərbaycanlılara qarşı təzyiqlər artırdı.

Belə bir vaxtda Azərbaycanın görkəmli ziyalılarının rəhbərlik etdiyi xalq hərəkatı meydana gəldi. 

20 Yanvar: FOTOKOMPOZİSİYA

Erməni separatizmi ilə başlanmış etnik münaqişələr və Moskvanın yanlış siyasəti xalqlar dostluğu ideologiyasına söykənən Sovet dövlətini içdən dağıdırdı. Artıq mərkəzdənqaçma meylləri bütün ittifaqa yayılmışdı.

Belə bir vaxtda Mixail Qorbaçovun rəhbərlik etdiyi Sovet dövləti “qamçı siyasəti”nə əl atdı.

Məqsəd parçalanmaqda olan Sovet dövlətini güc yolu ilə qoruyub saxlamaq idi. 

Sumqayıt hadisələri, 20 Yanvar faciəsi, Xocalı soyqırımı... - "İki sahil"

1990-cı il yanvarın 19-dan 20-nə keçən gecə birbaşa MixailQorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridildi. 

Dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirildi.

Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıq və misli görünməmiş vəhşiliklə müşayiət edildi. Həlak olanların arasında qadınlar, uşaqlar və qocalar, həmçinin təcili yardım işçiləri və polis əməkdaşları var idi.

20 Yanvar: müasir tariximizin şəhid qanı ilə yazılmış hünər səhifəsi

32 il əvvəl Azərbaycan xalqına qarşı törədilmiş cinayət əslində bəşəriyyətə, humanizmə, insanlığa qarşı həyata keçirilmiş dəhşətli terror aktı idi.

Bu faciədə 147 Azərbaycan vətəndaşı şəhid oldu, 638 nəfər yaralandı və xəsarət aldı, 841 nəfər qanunsuz olaraq həbs edildi, nəticədə insan hüquqlarına dair bir çox beynəlxalq sənədlərin, o cümlədən Ümumdünya İnsan Hüquqları Bəyannaməsinin tələbləri kobudcasına pozuldu.

Qoşunların qanunsuz yeridilməsi həm də dinc əhali arasında kütləvi həbslərlə müşayiət olunub. Əməliyyatların gedişi boyunca paytaxt Bakı və respublikanın digər şəhər və rayonlarından 841 nəfər qanunsuz həbs edilib, onlardan 112-si SSRİ-nin müxtəlif şəhərlərindəki həbsxanalara göndərilib. 

Hərbi qulluqçular tərəfindən 200 evə, 80 avtomobilə, o cümlədən təcili yardım maşınlarına atəş açılıb, yandırıcı güllələrin törətdiyi yanğınlar nəticəsində külli miqdarda dövlət və şəxsi əmlak məhv edilib.

Sovet ordusunun qanlı qrığını Azərbaycan xalqının gözünü qorxutmadı. Yanvarın 22-də “Azadlıq” meydanına çıxan xalqımız şəhidlərini ehtiramla son mənzilə yola saldı.

Bu hadisədən sonra Azərbaycan xalqının Sovet ordusuna, Sovet dövlətinə inamı sarsıldı. Bakıda əli qana batmış Sovet rəhbərliyi imperiyanı qoruyub saxlaya bilmədi.

Cəmi 1 il sonra xalqlar həbsxanası olan SSRİ dağıldı, Azərbaycan müstəqilliyə nail oldu.

20 Yanvar faciəsi tariximizin şərəf və qəhrəmanlıq səhifəsidir

Milli Məclisin 1994-cü ilin fevralında keçirilən xüsusi sessiyasında 1990-cı il yanvarın 20-də günahsız insanların qəddarcasına qətlə yetirilməsi hərbi təcavüz və cinayət kimi qiymətləndirilib, müzakirələrin yekunu olaraq həmin ilin martında “1990-cı il yanvarın 20-də Bakıda törədilmiş faciəli hadisələr haqqında” qərar qəbul edilib.

Milli birlik və vətənpərvərliyin simvoluna çevrilmiş 20 Yanvar faciəsi xalqımızın öz suverenliyi uğrunda apardığı mübarizənin şərəfli tarixidir. Hər il faciənin ildönümündə milyonlarla insan paytaxtın ən yüksək nöqtəsində salınan Şəhidlər Xiyabanını ziyarət edir, qəhrəmanlarının xatirəsini anır. 


Allah şəhidlərimizə rəhmət eləsin...

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Türkiyə Pakistan üçün hərbi gəmi inşa etdi

2022-05-20

gun az article

Almaniya Ukraynaya yeni müdafiə silahları verəcək

2022-05-20

gun az article

Ceyhun Bayramov Macarıstanın XİN başçısı ilə görüşüb

2022-05-20

gun az article

Şuşa Real Məktəbinin bərpasına 1 milyon manat ayrılıb

2022-05-20

gun az article

Vüqar Oruc Azərbaycan Qiymətləndiricilər Cəmiyyətinin sədri seçilib

2022-05-20

gun az article

Fond direktoru: “Qarabağın mədəni irs abidələrinin çoxu dağıdılıb"

2022-05-20

gun az article

İranın təhlükəsizlik naziri etirazçıları hədələdi

2022-05-20

gun az article

DTX ölkə xaricində qanunsuz silahlı birləşmələrdə fəaliyyət göstərmiş şəxsi həbs edib

2022-05-20

gun az article

Tanınmış din xadimi və hüquqşünas İran hökumətini tənqid edib

2022-05-20

gun az article

ETTELAAT idmançı Əmin Bərzgəri qətlə yetirib

2022-05-20

gun az article

Kərəcdə media fəalı həbs edilib

2022-05-20

gun az article

"İranda molla qıtlığı yaranıb"-Tehranın cümə imamı

2022-05-20

gun az article

Müharibənin son və qanlı mərhələsindəyik - Zelenski

2022-05-20

gun az article

Almaniya Ukrayna büdcəsini dəstəkləmək üçün bir milyard avro ayıracaq

2022-05-20

gun az article

Makron: "Müharibə Ukrayna ilə qonşu ölkələrə də yayıla bilər"

2022-05-20

gun az article

Çavuşoğlu: “Ermənistan Azərbaycanın xoş niyyətli yaxınlaşmalarına cavab verməlidir”

2022-05-19

gun az article

Zəngilanda "ağıllı kənd" hazırdır, sakinlər il ərzində köçürüləcək

2022-05-19

gun az article

Türkiyə Prezidenti: “Putin və Zelenski ilə əlaqələri kəsmək niyyətimiz yoxdur”

2022-05-19

gun az article

İran sərhədçiləri Azərbaycan vətəndaşını güllələyərək öldürüb

2022-05-19

gun az article

Ermənistan Milli Təhlükəsizlik Xidmətinin kapitanı intihar etdi

2022-05-19