Çaroymaqda məktəblərin çoxu istifadəyə yararsızdır

SON XƏBƏRLƏR

Çaroymaqda məktəblərin çoxu istifadəyə yararsızdır

2021.10.28, 07:06

Gunaz.tv

Bu barədə Şərqi Azərbaycan əyalətinin Çaroymaq (Sərəsənd) mahalının Təhsil İdarəsinin başçısı Bəhmən Əqdəmi məlumat verib.

O, bu barədə “İsna” xəbər agentliyinə verdiyi müsahibədə danışıb.

Başçı bildirib ki, hazırda istifadəyə yararsız məktəblərdən 50-nin yerli xeyriyyəçiərin vəsaiti hesabına yenidən qurulması işləri gedir.

“Yerli xeyriyyəçilər köhnəlmiş və dağılmaqda olan 50 məktəbin 36-nın yerinə yeni məktəblərin tikintisinin bir çoxu başa çatıb, bir neçəsinin isə tikinti işləri davam edir. Qalan 14 məktəbin tikintisi üçün isə yenidən xeyriyyəçilərin yardımına ehtiyacımız var”-deyə, Təhsil İdarəsinin başçısı bildirib.

Bəhən Əqdəmi bölgədə mövcud olan kaneks (konteyner) məktəblərin də ir çoxunun xeyriyyəçilər tərəfindən yeni tikilmiş məktəblərlə əvəzləndiyini, xeyriyyəçilərin cari təhsil ilində aztəminatlı ailələrən olan şagirdlər üçün 264 ədəd tablet bağışladıqlarını deyib.

Xatırladaq ki, son illər İran hökuməti bir sıra əyalətlərdə, o cümlədən Güney Azərbaycan əyalətlərində yeni təhsil ocaqlarının tikintisi, köhnə məktəblərin təmiri və bərpası üçün vəsait ayırmır.

Təhsil Nazirliyinin yerli nümayyəndəlikləri nazirliyin təhsil ocaqlarına vəsait ayırmaq gücündə olmadığını deyir, problemin həlli üçün yerli əhalinin ianələri və xeyriyyəçilərin yardımlarının lazim olduğunu bildirirlər.

C.E