Belçikada İranlı "diplomat" terror ittihamı ilə mühakimə olunacaq

2020-11-27 16:38

O, İran hökumətinin müxaliflərinin toplantısına bombalı saldırı düzənləməkdə günahlandırılıb.

Gunaz.tv Quote | Gunaz article

Belçikanın "Antorp" şəhərində 2018-ci ildə “İslam Respublikası” müxaliflərinin toplantısına qarşı bombalı suiqəsd planında şübhəli bilinən bir iranlı diplomat və 3 başqa iranlı 27 Noyabr cümə günü məhkəmə qarşısına çıxacaq. Bu, bir Avropa ölkəsinin ilk dəfə olaraq İran rəsmisini terrorizm ittihamı ilə mühakimə etməsidir.

 

Belçika prokurorları, Viyanada qərarlaşan diplomat “Əsədullah Əsədi”ni və digər üç nəfəri mərkəzi qərargahı Parisdə yerləşən Milli Müqavimət Şurasının toplantısına hücum planı hazırlamaqda günahlandırıb. Bu toplantıda əsas məruzəçi prezident Donald Trampın vəkili Rudi Culiyani idi.

 

Əsədi İranın Viyanadakı səfirliyinin üçüncü konsulu idi. Fransa rəsmiləri onun Cənubi Avropada kəşfiyyat məsulu olduğunu və Tehranın əmri ilə hərəkət etdiyini söyləyirlər.

 

 

“Associated Press”, Belçika kəşfiyyat və təhlükəsizlik agentliyinə istinadən Əsədullah Əsədinin İran rəsmilərinin əmri ilə hərəkət etdiyini və Avropaya partlayıcı maddələr gətirdiyini bildirib.

 

30 iyun 2018-ci il tarixində Belçika polisi, “Mucahidin Xalq”ın illik toplantısına ola biləcək hücum ilə əlaqədar şübhəli bir cütlüyün Mercedes avtomobilini saxladı. Məmurlar avtomobildə olan bir çamadanın içərisində 550 qram qeyri-sabit TİTP tipli partlayıcı maddə (aseton peroksid) və bir patladııcı başlıq aşkar etdilər. Belçikadakı “bomba zərərsizləşdirmə bölməsi” hesabatında cihazın peşəkar keyfiyyətdə olduğunu söylədi.

 

“Aseton peroksid”, son illərdə Avropada bir sıra hücumlarda, o cümlədən 2016-cı ildə Brüssel metrosunda və hava limanında 32 nəfərin ölümü ilə nəticələnən intihar bombasında istifadə olunub. Bu bombanın Parisin kənarında təxminən 25.000 nəfərlik izdihamın ortasında partlaması böyük faciəyə səbəb ola bilərdi.

 

Müstəntiqlərə görə, İranın Viyanadakı səfirliyinin üçüncü konsulu Belçikanın Antorp şəhərində yaşayan Belçika-İranlı cütlük Əmir Səduni və Nəsimə Məanini bombanı daşımaq üçün işə götürmüşdü. Davanın dördüncü müttəhimi Mehrdad Arifani isə Parisə, İran müxaliflərinin toplandığı yerə getmişdi.

 

Əsədullah Əsədinin məhkəmədə təqsirli bilinməsi halında, məhkəmə onu və əlbirlərini beş ildən 20 ilədək həbs cəzasına məhkum edə bilər. Məhkəmənin dekabrın sonuna qədər qərar verəcəyi gözlənilir.

 

Tehran bu iddiaları dəfələrlə rədd edib. Əsədi hələ də iddialara münasibət bildirməyib. Vəkili Əsədinin məhkəmədə izahat verəcəyini söylədi.

 

Qeyd edək ki, 2018-ci il iyunun 30-da Fransanın Vilpent kommunasında iranlı müxaliflər - İran Milli müqavimət Təşkilatının toplantısı keçirilib. İranın Vyanadakı səfirliyinin əməkdaşı Əsədulla Əsədi bu toplantıya qarşı terror aktı hazırlamaq ittihamı ilə iyulun 1-də həbs edilib. İş üzrə təhqiqat çərçivəsində Belçika, Fransa və Almaniyada daha 5 nəfər saxlanılıb. Fransa və Almaniya saxlanılan şəxsləri istintaq hərəkətlərinin aparılması üçün Belçikaya göndərib.

 

C.E
 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Fevral ayından Türkiyə ilə Azərbaycan ordusu arasında ortaq hərbi təlim-məşqləri keçiriləcək – FOTOLAR

2021-01-17

gun az article

İranda koronavirusdan daha 86 nəfər ölüb, 6 016 yeni növ “Covid-19”a yoluxma halı aşkarlanıb (Rəsmi statistika)

2021-01-17

gun az article

Xəbərdarlıq: Bakıda və Abşeron yarımadasında qar yağacaq, çovğun olacaq

2021-01-17

gun az article

Rusiya Müdafiə Nazirliyindən Qarabağ açıqlaması

2021-01-17

gun az article

"Spikerimiz Mirzoyan türklərin agentidir" – Minasyan

2021-01-17

gun az article

Azərbaycan Ermənistanı Avropa Məhkəməsinə verdi

2021-01-17

gun az article

Azərbaycan və Türkiyə prezidentləri arasında telefon danışığı olub - YENİLƏNİB

2021-01-17

gun az article

ABŞ-da andiçmə günü ərəfəsində Vaşinqtona təqribən 9,5 min Milli Qvardiya hərbçisi gətirilib

2021-01-17

gun az article

Kəlbəcərin Hacıkənd kəndinin - GÖRÜNTÜLƏRİ - VİDEO

2021-01-16

gun az article

Amerika İranın Gəmiçilik Şirkəti ilə əməkdaşlıq edən 7 şirkətə və 2 şəxsə qarşı sanksiya qoyub

2021-01-16

gun az article

İranda koronavirusdan daha 96 nəfər vəfat edib, 6 100 yeni növ “Covid-19”infeksiyasına yoluxma faktı qeydə alınıb (Rəsmi statistika)

2021-01-16

gun az article

İran ABŞ-la gərginliyin artması fonunda balistik raket təlimləri keçirir

2021-01-16

gun az article

İranda 5,5 bal gücündə zəlzələ olub

2021-01-16

gun az article

Kafe-restoranlar açılır

2021-01-16

gun az article

SMS-icazə ləğv olunur

2021-01-16

gun az article

Gələn həftə Azərbaycanda vaksinasiyaya başlanılacaq

2021-01-16

gun az article

Ermənilərdən qənimət götürdüyümüz texnikalar burada göstəriləcək - Fotolar və VİDEO

2021-01-16

gun az article

"WhatsApp" qalmaqallı müqavilə yenilənməsini təxirə salıb

2021-01-16

gun az article

GünazTV Jan.15.2021 : “Amerikanın yeni Prezidenti Coe Bayden 1,9 triliyon dollarlıq yardım paketini açıqladı”

2021-01-15

gun az article

“Güllələnmiş heykəllər” Şuşaya qaytarıldı - Fotolar

2021-01-15