Təbriz Şəhər Şurası bələdiyyə başçısının impiçmentini tələb edib

SON XƏBƏRLƏR

Təbriz Şəhər Şurası bələdiyyə başçısının impiçmentini tələb edib

2022.02.15, 07:45

Gunaz.tv

Təbrizin yerli mediasının verdiyi məlumata görə, Şəhər Şurasının 9 üzvünün impiçmentlə bağlı məktub imzalayıb.

Məktuba əsasən bu həftənin şənbə günü bələdiyyə başçısı Abbas Rəncbər sorğu-sual ediləcək, fəaliyyət göstərdiyi müddətdə bələdiyyə idarəsində baş verən problemlər, qanunsuz işə götürmələr və s. məsələlər barədə irəli sürülən sulları cavablandıracaq.

Şəhər Şurasının başçısı Rəsul Bərgi problemlərin danışıq yolu ilə həllinə dair təkliflərə münasibət bildirib və deyib ki, bələdiyyə başçısının əməlləri bundan sonra onunla birgə fəaliyyət göstərməyi imkansız edir.

“Bələdiyyə başçısı Rəncbərin impiçmentinə əsas səbəb Şəhər Şurası ilə qarşılıqlı əlaqə və əməkdaçlıq münasibətlərində olmaması, seçildiyi gündən göstərdiyi fəaliyyətin yetərsizolması və bir sıra problemli təyinatlar barədə qərar verməsidir”-deyə, Şəhər Şurasının başçısı Rəsul Bərgi bildirib.

C.E