Təbrizin avtobus parkı köhnəlib: "Nəqliyyat vasitələrinin çoxu istifadəyə yararsızdır"

SON XƏBƏRLƏR

Təbrizin avtobus parkı köhnəlib: "Nəqliyyat vasitələrinin çoxu istifadəyə yararsızdır"

2021.11.23, 12:52

Gunaz.tv

Cavad Rəhməti deyib ki, köhnə və sıradan çıxmış ictimai nəqliyyat vasitələrinin şəhərin havasının çirklənməsində böyük rolu var.

“Hal-hazırda Təbrizdə 600 yararsız avtobus fəaliyyət göstərir. Şəhərin ictimai nəqliyyat parkını qeyd olunan saydan ən azı üç dəfə artırmaq lazımdır.

Bu avtobuslar istilik elektrik stansiyası iıə yanaşı hava çirkliliyində əhəmiyyətli dərəcədə rol oynayır”-deyə, vali müavini Cavad Rəhməti bildirib.

O, son 8 ildə Şərqi Azərbaycanın avtobus parkının yenilənmədiyini və yeni avtobusların verilmədiyini deyib, daxili istehsalatın cavabdeh olmadığını, xaricdən avtobus idxalına isə icazə verilmədiyini qeyd edib.

Təbriz Şəhər Şurasının sözçüsü Yasin Becani isə məsələ ilə bağlı verdiyi açıqlamada şəhərin ictimai nəqliyyatının biabırıçı gündə olduğunu söyləyib.

Şəhər Şurasının üzvü Əlirza Nəvayi Bağban isə son bir neçə ildə Təbrizin avtobus parkında 400 ictimai nəqliyyat vasitəsinin sıradan çıxdığı halda bu müddət ərzində yalnız 12 yeni avtobusun xəttə buraxıldığını bildirib.

O, xüsusilə son 4 ildə Təbrizə investisiya qoyulmadığını, illik 200 avtobusun Təbrizin ictimai nəqliyyatına əlavə etmək planlarının dövlət tərəfindən vəsait ayrılmadığı üçün baş tutmadığını bildirib.

C.E

آمار تصادفات قابل تأمل است/ لزوم پیشگیری از سوانح جاده‌ای در ایام نوروز - کاف نیوز