Zəngan əyalətinin Yollar və yükdaşıma Nəqliyyatı İdarəsinin başçısı Hüseyn Əliəkbəri əyalətin əksr bölgələrində hərəkətin çətin olduğunu, şəhərlərarası üç vavtomagistralın isə tamamilə bağlandığını deyib.
Şərqi Azərbaycan əyalətinin Yollar və Yükdaşıma Nəqliyyatı İdarəsinin sədr müavini Qulamrza Rəsulzadə mediaya verdiyi açıqlamada əyalətin bütün bölgələrində yolların buz bağladığını deyib.
O, “Göycəbel”, “Sambran” gədikləri və Əhər-Horand yolundan istifadənin imkansız olduğunu bildirib.
Ərdəbil, Qəzvin və Qərbi Azərbaycan əyalətlərində də oxşar hava şərayiti hökm sürür və məktəblərin əksəriyyəti tətil edilib.
Ərdəbil əyalətinin valiliyinin ictimaiyyətlə əlaqələr bölməsi bildiriş yayaraq yanvarın 20-də məktəblərlə yanaşı bütün dövlət idarələrinin tətil edildiyini bildirib.
Qərbi Azərbaycan əyalətinin Yollar və yükdaşıma Nəqliyyatı İdarəsinin verdiyi məlumatda isə yanvarın 19-dan 20-ə keçən gecədən yenidən güclənən qar və çovğun nəticəsində əyalətin 561 kəndinin yolunun bağlandığı və onların ətrafdan təcrid olunduğu qeyd olunub.
Sərt hava şəraitinin daha 3 gün davam edəcəyi bildirilir.
C.E
