Keçmiş Amerika rəsmilərindən tələb: "İbrahim Rəisiyə viza verilməsin"

SON XƏBƏRLƏR

Keçmiş Amerika rəsmilərindən tələb: "İbrahim Rəisiyə viza verilməsin"

2022.08.18, 04:23

Gunaz.tv

Pompeo “Washington Free Beacon” nəşrinə müsahibəsində, Bayden administrasiyasının Rəisiyə BMT Baş Assambleyasında iştirak etmək üçün viza verməklə bağlı mümkün hərəkətinə qarşı xəbərdarlıq edib.

“İslam Respublikası Amerikanı cəhənnəmə və xarabalığa çevirəcəyi ilə hədələdikdən bir neçə həftə sonra, İran rəsmilərinin amerikalıları Amerikada öldürməklə bağlı fəallaşmalarına baxmayaraq Bayden hökuməti Rəisiyə viza vermək istəyir"-deyə, keçmiş dövlət katibi bildirib.

Amerikanın BMT-dəki keçmiş səfiri Nikki Haley də “Washington Free Beacon” qəzetinə deyib ki, BMT dünyada dövlət terrorizminin ən böyük dəstəkçisi olan liderlərə mikrofon vermək istəyir.

"Bayden hökuməti heç bir şərayitdə İbrahim Rəisinin Amerika torpağına ayaq basıb və buranı çirkləndirməsinə icazə verməməlidir"-deyə, keçmiş səfir qeyd edib.

Avqustun 16-da insan haqları təşkilatları, respublikaçılar, yəhudi fəallar və iranlı-amerikalı qrupların koalisiyası Ağ Evə məktub göndəriblər.

Məktubda İranın Amerikaya qarşı təhdidlərini və İbrahim Rəisinin insan haqları pozuntularını, xüsusən də onun 1988-ci ildə kütləvi edamlardakı rolunu əsas gətirərək Baydendən ona Amerika vizası verməkdən imtina etməsini istəyiblər.

Bundan öncə avqustun 2-də Amerika prezidenti Co Baydenə göndərdikləri məktubda yeddi respublikaçı senator ondan İbrahim Rəisinin Nyu-Yorkda keçiriləcək Birləşmiş Millətlər Təşkilatının Baş Assambleyasında iştirak etmək üçün viza tələbinə qarşı çıxmasını istəyiblər.

Qeyd edək ki, İran hökumətinin sözçüsü Əli Bahaduri avqustun 2-də verdiyi açıqlamada İbrahim Rəisinin Birləşmiş Millətlər Təşkilatının Baş Assambleyasının iclasında iştirak edəcəyini deyib.

Səfər baş tutarsa bu İbrahim Rəisinin Nyu-Yorka Birləşmiş Millətlər Təşkilatının Baş Assambleyasında ilk iştirakı olacaq.

Cavidan