SON XƏBƏRLƏR

Ned Prays: “İranla danışıqlar tezliklə nəticə verməsə başqa bir yol tutacağıq”

2022.01.07, 10:23
Ned Prays: “İranla danışıqlar tezliklə nəticə verməsə başqa bir yol tutacağıq”

Gunaz.tv

Yanvarın 6-da mediaya açıqlamasında Ned Prays deyib ki, Vyanada nüvə razılaşmasını canlandırmaq üçün İranla aparılan danışıqlarda hansısa bir razılaşmanın əldə olunması üçün fürsətlər sürətlə bitməkdədir. 

“Vaxt artıq çox azalıb, elə buna görə də hesab edirəm ki, əgər İranla danışıqlar nəticə verməsə və biz tezliklə razılığa gəl bilməsək, o zaman biz problemin həlli üçün tam fərqli başqa bir yol tutmaq məcburiyyətində qalacağıq.

Fürsət sürətlə başa çatmaqdadır və biz açıq şəkildə bildirmişik ki, əgər biz qarşılıqlı olaraq üzərimizə götürdüyümüz öhdəliklərin icrasına qayıtmasaq, İranın nüvə proqramını sürətlə inkişaf etdirməsi nüvə razılaşmasının bütün müsbət uğurlarını məhv edəcək, biz isə başqa bir yol seçmək məcburiyyətində qalmalı olacağıq”, -deyə ABŞ Dövlət Departamentinin sözçüsü Ned Prays bildirib.

A.M 

SEÇİLMİŞ XƏBƏRLƏR

Çox oxunanlar