SON XƏBƏRLƏR

Əhər və Herisin millət vəkili: Gənclərin işsizlik böhranı dövlət orqanlarının düzgün çalışmaması ilə bağlıdır

2021.10.20, 07:36
Əhər və Herisin millət vəkili: Gənclərin işsizlik böhranı dövlət orqanlarının düzgün çalışmaması ilə bağlıdır

Gunaz.tv

GünAz TV: Güney Azərbaycanın Əhər və Heris şəhərlərinin İran parlamentindəki millət vəklili Beytullah Abdullahi təmsil etdiyi bölgədə işsizlik, sərmayə yatırımı və kənd təsərrüfatı sahəsində olan problemlərlə bağlı bir çox məsələyə toxunub.

 

Bu barədə “Mehr” xəbər agentliyinə danışan millət vəkili vurğulayıb ki, hökumət kiçik şəhərlərdə sərmayə yatırmaq üçün iş adamlarına dəstək vermir.

 

“Şərqi Azərbaycanın sənaye şəhərciklərində, o cümlədən Əhər və Herisdə elektrik enerjisi çatışmazlığı var. Lazımi xidmət və infrastrukltur olmasa, bu vəziyyətdə heç bir iş adamı bölgəyə sərmayə yatırmaq istəməz.

Əhər və Herisdə su qıtlığı problemi də ciddi məsələdir. Heris Şərqi Azərbaycan Əyalətində ən az su ehtiyatı olan şəhərdir. Dövlət bununla bağlı Heris əhalisinə heç bir yardım göstərmir.

İş adamları kiçik şəhərlərə sərmayə yatırmağa təşviq edilmir, bu istiqamətdə onlara heç bir yardım da göstərilmir. Onlar bilir ki, Əhər və Heris kimi şəhərlərdə sərmayə yatırmaq təhlükəlidir və ziyana düşə bilərlər. Ona görə də paytaxt və digər böyük şəhərləri seçirlər”- deyə o bildirib.

 

Azərbaycanlı millət vəkili sözlərinin sonunda gənclərin işsizlik məsələsinə xüsusi toxunub. O bildirib ki, Gənclərin işsizlik böhranı dövlət orqanlarının düzgün çalışmaması ilə bağlıdır. İndi oturmaq vaxtı deyil, gənclər məsullardan iş gözləyir. Bu məsələyə diqqət yetirilməsə, böhran daha da dərinləşəcək.

 

N.S

SEÇİLMİŞ XƏBƏRLƏR

Çox oxunanlar