Tehranda həbslər olub: Valyuta bazarına “müdaxilə edən” 42 nəfər saxlanılıb

SON XƏBƏRLƏR

Tehranda həbslər olub: Valyuta bazarına “müdaxilə edən” 42 nəfər saxlanılıb

2021.12.15, 13:40

Gunaz.tv

O deyib ki, polisin “Kaşef” adlı planının icra olunmasının ardınca valyuta bazarına müdaxilə edən və dolların məzənnəsinin qalxmasına səbəb olan daha 42 nəfər həbs edilib.

“Bundan başqa, polis onlara valyuta dəyişmə məntəqəsində yoxlama aparıb, valyuta bazarına və dolların qiymətinin artmasına təsir edən 20 valyuta dəyişmə məntəqəsinin qapılarını möhürləyərək fəaliyyətinin qarşısını alıb”, -deyə Tehran hüquq-mühafizə qüvvələrinin komandanı Hüseyn Rəhimi bildirib.

Polis komandanı həbs edilən şəxslərin adlarını açıqlamayıb.

Xatırladaq ki, bundan əvvəl İranın Kəşfiyyat Nazirliyi (ETTELAAT) dekabrın 9-da bəyanat yayaraq, ölkənin “valyuta bazarına xələl gətirən” 5 nəfəri həbs etdiyini açıqlamışdı.

“Həmçinin ölkə üzrə lisenziyası olmadan valyuta bazarında fəaliyyət göstərən və xarici valyutanın məzənnəsinə təsir edən 841 nəfərin kimliyi müəyyənləşdirirərək bank hesabları bağlanılıb”, -deyə Nazirliyinin yaydığı bəyanatında bildirilmişdi.

İranda dolların məzənnəsi yeni rekord qırıb: 1 dollar 29 min 200 tümən