SON XƏBƏRLƏR

Pentaqon sözçüsü SEPAH-ın neft tankeri ilə bağlı iddialarını “gülünc” adlandırdı: "Ağ yalandır"

2021.11.04, 12:20
Pentaqon sözçüsü SEPAH-ın neft tankeri ilə bağlı iddialarını “gülünc” adlandırdı: "Ağ yalandır"

Gunaz.tv

SEPAH-ın neft tankeri ilə bağlı iddiasını “gülünc” adlandıran Kirbi deyib ki, hadisə İranın uydurmalarına baxmayaraq tam əksinə olub və İranın üçüncü bir ölkəyə məxsus olan neft tankerinin hərəkətinə mane olub.


“Mən iranlıların bununla bağlı gülünc iddialarını görüb eşitmişəm. Onların dedikləri ağ yalandan başqa bir şey deyil. Bu saxta bir iddiadır.

 
Amerikanın hərbi dəniz qüvvələri heç bir tankeri saxlamağa cəhd göstərməyib. İranlıların iddia etdiyi hadisə isə oktyabrın 24-də baş verib. Belə ki, Amerikanın körfəzdəki qüvvələri Oman dənizində və beynəlxalq sularda “SEPAH qüvvələrinin qanunsuz olaraq neft daşıyan bir gəminin göyərtəsinə daxil olmasının şahidi olublar. Lakin gəmini onlardan geri almaq üçün hər hansıbir müdaxilə etməyiblər.


Mən SEPAH qüvvələrinin dayandırdığı neft tankerin hansı bir ölkə məxsus olmasını açıqlamayacağam, istəsələr özləri açıqlayarlar.


Hesab edirəm ki, İranın bu kimi hərəkətləri beynəlxalq qanunları açıq-aşkar pozur, beynəlxalq sularda ticari gəmilərin sərbəst hərəkətinə mane olur, azad ticarəti zəiflədir. Bu isə qəbuledilməzdir”, -deyə Amerika Müdafiə Nazirliyinin (Pentaqon) sözçüsü Con Kirbi bildirib.


Xatırladaq ki, SEPAH terror təşkilatı noyabrın 3-də bəyanat yayaraq, sürət qayıqlarının Oman dənizində üzən Amerikanın hərbi gəmisi ilə üz-üzə gəlməsindən xəbər verib.


SEPAH iddia edib ki, bir neçə vaxt əvvəl Amerikanın bir hərbi gəmisi Oman dənizində İran neftini daşıyan bir tankeri dayandırdıqdan sonra ondakı nefti başqa bir tankerə köçürməklə naməlum istiqamətə aparmağa çalışıb, lakin SEPAH-ın sürət qayıqları Amerikanın hərbi gəmisi ilə üz-üzə duraraq, sözü gedən tankerin göyərtsəində əməliyyat keçirərək onu İran sahillərinə yöndəriblər. 


A.M

SEÇİLMİŞ XƏBƏRLƏR

Çox oxunanlar