Xarici media və sosial şəbəkə fəallarının verdiyi məlumata görə, Təbriz, Rəşt, Tehran, Kərəc, Sənəndəc, Zahidan, İsfahan, Şiraz, Qəzvin və başqa şəhərlərdə aksiyaçılar Əli Xameneyi və hökumət əleyhinə şüarlar səsləndirib, bir-sıra hallarda hökumət məmurlarının hücumlarına müqavimət göstəriblər.
Tehran şəhərinin 8 müxtəlif bölgəsində keçirilən aksiyalarda hökumət məmurları dinc etirazçılara qarşı gözyaşardıcı qazdan istifadə edib, bəzi yerlərdə odlu silahdan atəş açılıb.
Paytaxtın Şadeqan bölgəsində bir neçə ağır partlayış səsləri eşidilib, narazılara qarşı avtomat silahlardan atəş açıldığını göstərən vudeolar yayılıb.
Təbrizin "Hüseyn Fəhmidə" meydanı və "Rəşidiyyə" bölgəsində daha izdihamı aksiyalar keçirilib.
Gənclər "nə şahçıyam nə şeyxçi, millətçiyəm, millətçi" şüarları səsləndirdiriblər.
Yayılan videolarda Kürdüstan əyalətinin mərkəzi Sənəndəc şəhərində davamlı partlayış və atışma səsləri eşidilir.
Sosial media fəallarının verdikləri məlumatlara görə, aksiyalar sentyabrın 26-ı səhər saatlarına qədər davam edib.
Onlarla yaralı və çoxlu sayda həbs edilənin olduğuna dair xəbərlər yayılıb.
Hələlik onların kimliyini və dəqiq saylarını müəyyənləşdirmək mümkün olmayıb.
Cavidan
