Bu barədə məlumat mayın 22-də yayılıb. Məlumata görə, İsrail xüsusi xidmət orqanına işləyən qrupun həbs edilib.
Məlumatda qrup üzvlərinin "quldur" dəstə üzvləri olduqları və iğtişaş yaratmaq üçün İsrail tərəfindən ələ alındıqları iddia edilib.
Qeyd edək ki, iki həftə öncə İsrailin kəşfiyyat xidməti "Mossad"ın İranda İnqilab Keşikçiləri Korpusunun (SEPAH) əməkdaşı Mənsur Rəsuli Haşimabad adlı şəxsi İranda saxlayaraq dindirdiyinə dair məlumat yaymışdı.
İsrail qəzetləri bir səs yazısı yayaraq bildiriblər ki, ölkənin kəşfiyyat orqanı "Mossad" zabitləri 3 nəfərə sui-qəsddə əli olan SEPAH-ın Qüds qanadının agenti Mənsur Rəsulini İran ərazisində həbs edərək dindiriblər.
Səs yazısında Rəsuli deyir ki, İran hökuməti tərəfindən İsrailin Türkiyədəki səfirliyinin diplomatını, Almaniyada bir Amerika generalını və Fransada bir jurnalisti öldürməklə görəvləndirilib.
İranın müxalif mediası İnqilab Keşikçiləri Korpusunun İsrail casuslarının həbsi ilə bağlı iddialarını Rəsul Mənsurinin "Mossad" tərəfindən dindirilməsinə cavab kimi dəyərləndiriblər.
Cavidan
